Faigi nösi

Faigi ba menu sekunder

Faigi ba gangolifa

Samaduhu’ö Yehowa

Nias

Mamatörö Mbanua Lowalangi!

Kabera: Talifusöda ira alawe ba Alabama, AS, ifuta rekaman huhuo dalifusöda Rutherford, ba gafuriata ndröfi 1930-an; kambölö: Swiss

 FAOSATÖ 1

Sindruhu Sanandrösa ba Mbanua Lowalangi—Ibe’e Gö Wamati

Sindruhu Sanandrösa ba Mbanua Lowalangi—Ibe’e Gö Wamati

 FAIGI hawa’omuso dödö niha nifaha’öu ba Zura Ni’amoni’ö me awena aboto ba dödönia ayati sawena ibaso. Imane, ”Eluahania, tola auri ita sagötö fa’ara ba Waradaiso—ba da’a ba gulidanö andre?” Iboho mbawa awömö we’amöi manuriaigö ba imane, ”Hadia zi no öbaso ba Zura Ni’amoni’ö?” Si fao fa’omuso dödö ifalikhö-likhö högönia börö wa’ahöli-höli dödönia, ba imane ”Aha, awena u’ila da’a!” Itörö tödömö wa da’ö göi niwa’önia hauga migu si lalö me awena i’ila wa Yehowa döi Lowalangi.

Hadia no irai alua khöu zimanö? Ato nono mbanua Lowalangi zanörö simane da’ö. Arakhagö lö si fakhili-khili ba mbuala sebua böli tanö bö’ö baero zi no tatema andre—fa’aboto ba dödö sanandrösa ba zindruhu! Angeraigö atö: Hewisa wa tola ofeta mbuala andrö khöu? Ba faosatö da’a, ta’alui wanema linia. Lala nono mbanua Lowalangi ba wanema’ö fa’aboto ba dödö sanandrösa ba wamati tenga ha samuza, ba da’ö no tobali tandra wa to’ele Mbanua Lowalangi. Ba zi otu fakhe, Razo, Yesu Keriso inehegö wa tefaha’ö nono mbanua Lowalangi ba zindruhu.

SO BA DA'A

FAZA 3

I’ombakha’ö Gohitö Dödönia Yehowa

Hadia Banua Lowalangi gohitö dödö Lowalangi ba mböröta? Hewisa wangoroma’ö Yesu haga sanandrösa ba Mbanua Lowalangi?

FAZA 4

I’alawa’ö Döinia Yehowa

Hadia nikhamö Mbanua Lowalangi sanandrösa ba döi Lowalangi? Hewisa ndra’ugö samösa ba wangamoni’ö töi Yehowa?

FAZA 5

Iforoma’ö Haga Andrö Razo Sanandrösa ba Mbanua Lowalangi

Alui wa’aboto ba dödö sanandrösa ba Mbanua Lowalangi, samatörö ya’ia hegöi ono mbanuania, ba eluaha lö faröi.