ÖFAZAWA yawa danga ba zi faola omo khöu. Barö-barö da’a, ö’ila wa inehesi ndra’ugö hegöi soroi yomou. Ifazawa göi yawa danga khöu ba ikaoni’ö ba nomo. Imane, ”Omasido usofu khöu. Hana wa fabö’ö sibai ami?” Ösofu khönia, ”Eluahania?” Imane, ”Ya’ia, ya’ami andrö Samaduhu’ö Yehowa lö? Tenga simane niha bö’ö ami. Lö fagölö ami ba agama tanö bö’ö—lö mi’owasaini ngaluo sebua, ba lö fao ami ba politik hegöi fasuwöta. Lö moroko ami. Ba sökhi gamuata nösi nomou. Hadia mbörö wa fabö’ö sibai ami andrö?”

Aboto ba dödöu wa fanema linia mo’amakhaita ba da’a: So ita barö wamatörö Mbanua Lowalangi. Börö me Razo Yesu, andrö lö ibato wamohouni ya’ita. Itolo ita ba wotara lahenia irege fabö’ö moroi ba gulidanö si lö sökhi andre. Ba faosatö da’a, tafaigi hewisa Mbanua Mesia wamohouni ono mbanua Lowalangi, he ba wamati, ba gamuata, hegöi ba organisasi—fefu da’ö ena’ö tefolakhömi döi Yehowa.