Faigi nösi

Faigi ba gangolifa

Samaduhu’ö Yehowa

Fili li Nias

Kabera: Lafa’ohe’ö wanolo moroi ba Swiss khö ndra talifusöda ba Jerman, 1946; kambölö: Lafuli lafazökhi Balai Mbanua Lowalangi ba Jepang me no aefa tsunami, 2011

 FAOSATÖ 6

Fotuhini Banua Lowalangi—Mamazökhi Nahia Gangowuloa ba Mame’e Fanolo ba Wa’aniha

Fotuhini Banua Lowalangi—Mamazökhi Nahia Gangowuloa ba Mame’e Fanolo ba Wa’aniha

 ME MÖI’Ö ba Balai Mbanua Lowalangi, izumaigö ambö ö’ila nahia da’ö. Me mböröta, omuso dödöu ba domosa da’a. Lö olifu ndra’ugö fefu zi sökhi salua me fao’ö ba wamazökhi ya’ia hauga fakhe si lalö. Hiza’i, abölö omuso dödöu iada’a börö me no lafabö’öni gasa-gasa Balai Mbanua Lowalangi tobali nahia wame’e fanolo. Me no aefa nangi sabölö-bölö barö da’a sanga’asogö molö ba sanudugö banua si toröi ya’ugö, i’anemai lafa’anö ira Panitia Ndraha ba wame’e fanolo simane ö, nukha, idanö, ba tanö bö’önia. No lahaogö wama’anö fanolo. Oi zara tohare ndra talifusöda, lahalö hadia zoguna khöra ba sasesenia me’e ira börö wa’omuso dödö.

Imane Yesu wa tandra nifaha’önia ya’ia da’ö fa’omasi ba gotalua nono mbanuania zamösana. (Yoh 13:34, 35) Ba duho da’a, tafatunö hewisa ndra Samaduhu’ö Yehowa wangoroma’ö fa’omasi niha Keriso ba halöwö fangotomosi ba fangodödögö wame’e fanolo ba niha. Fa’omasi simane da’ö sambua tandra sebua wa no so ita barö wamatörö Yesu.

SO BA DA'A

FAZA 18

Hewisa Wanga’asogö Kefe ba Halöwö Mbanua Lowalangi

Hezo moroi gefenia? Hewisa wangoguna’ö ya’ia?

FAZA 19

Halöwö Fangotomosi Samolakhömi Yehowa

Nahia wa’owulo tola möi famosumange Lowalangi, hiza’i so zabölö i’osinangegö nasa.

FAZA 20

Mame’e Fanolo ba Wa’aniha

Hezo ta’ila wa fanolo ba wa’aniha no halöwö ni’amoni’ö khö Yehowa?