Xuiya kampa tlen onka ijtik

¿Kinpaleuiyaj iteixpantijkauan Jehová akin panouaj tlen xkuajli?

¿Kinpaleuiyaj iteixpantijkauan Jehová akin panouaj tlen xkuajli?

Kema. Iteixpantijkauan Jehová miyekpa tikinpaleuiyaj akin inpan panouaj tlen xkuajli. Tikinpaleuiyaj ika tlen kinpoloua akin iteixpantijkauan Jehová niman oksekimej tlaltikpakchanejkej, ijkon ken kijtoua ipan Biblia itech Gálatas 6:10: “Yejua ika, tej, nochipa ijkuak tiueliskej, nochimej ma tikinchiuilikan on tlen kuajli, niman más on yejuan kineltokaj Jesucristo”. Noijki, tikinyolseuiyaj ika Biblia akin inpan onochiuj tlen xkuajli (2 Corintios 1:3, 4).

Ken toyekanaj

Ijkuak panoua tlen xkuajli, tlayekankej akin ompa nisiuj chantij kitejtemouaj kimatiskej tla nochimej iteixpantijkauan Jehová kuajli nemij niman tlenon kinpolojtika. Sakin, kijliaj sucursal tlenon opanok niman kenon yotlapaleuijkej.

Tla tlanechikoltin tlen ompa nosentlaliaj xueli kinpaleuiyaj akin inpan onochiuj tlen xkuajli, Grupo akin Kinyekana iTeixpantijkauan Jehová kita kenon tlapaleuis. Yejuin noijki ijkon nochiua ken ijkuak inomachtijkauan Cristo nopaleuiayaj ijkuak opanokej apistli (1 Corintios 16:1-4). Sucursal kintlalia akinomej kiyekanaskej yejuin tekitl, niman iteixpantijkauan Jehová akin oksekan ualeuaj kixelouaj tonaltin niman tlen kipiyaj ika ontlapaleuiskej (Proverbios 17:17).

Tomin tlen nosentlalia

Seki tomin tlen notitlani ipan sucursales tlen kinpiyaj iteixpantijkauan Jehová ika kinpaleuiyaj akin inpan panoua tlen xkuajli (Hech. 11:27-30; 2 Corintios 8:13-15). Nochi yejuin tlen yonosentlali ika kinpaleuiyaj akin inpan panoua tlen xkuajli pampa nochimej akin ontlapaleuiyaj xkitlanij, kichiuaj ika inyojlo. Noijki nochi tlen nosentlalia kuajli kitekitiltiaj niman xsan kauiltiaj (2 Corintios 8:20).