Xuiya kampa tlen onka ijtik

Xuiya kampa ika okpa peua

Iteixpantijkauan Jehová

náhuatl de guerrero

¿Kineltokaj Jesús iteixpantijkauan Jehová?

¿Kineltokaj Jesús iteixpantijkauan Jehová?

Kema. Tejuamej tikneltokaj Jesús, yejua okijto: “Nejua niojtli, niman nitlin melauak, niman no ninemilistli. Tej, san nejua notechkopa uelis ajsiskej ne itech on Tajtli” (Juan 14:6). Tikneltokaj ika Jesús ouajlaka ipan tlaltikpaktli niman okitemakako kentla uentli inemilis tlen xkipiaya tlajtlakojli (Mateo 20:28). Pampa omik niman oyoliuj, kichiua ika akin kineltokaj makiselikan nemilistli tlen xkeman tlamis (Juan 3:16). Noijki tikneltokaj ika Jesús tlanauatia ken tekiuaj ipan iTekiuajyo toTajtsin tlen onka ne iluikak niman xuejkauis kuajkuis yolseuilistli ipan tlaltikpaktli (Apocalipsis [Revelación] 11:15). San ika, tejuamej tikneltokaj itlajtoluan Jesús, ijkuak okijto: “NoTajtsin [...] más ueyixtikaj xken nejua” (Juan 14:28). Ika yejon, xtikueyichiuaj Jesús pampa xtikneltokaj ika yejua toTajtsin akin melak Ueyixtika.