Xuiya kampa tlen onka ijtik

Xuiya kampa tlen kipiya

Tlen notlajtoltiaj akin kitaj revistas

Tlen notlajtoltiaj akin kitaj revistas

¿Tleka xkipiya ika tikintlaliskej ipan okseki páginas itech Internet iamatlajkuiloluan iteixpantijkauan Jehová?

Pampa ikalpan toTajtsin xkinnemaka iamatlajkuiloluan tlen tlajtoua itech Biblia, sekimej kinemiliaj ika ueliskej kimixkopinaskej niman kintlaliskej ipan okseki páginas itech Internet noso ipan redes sociales (redes sociales kijtosneki se página ipan Internet noso se aplicación kampa se ueli nonotsa imiuan oksekimej akin nemij noijki ipan yejon página ipan Internet noso yejon aplicación). San ika, akin ijkon kichiuaj xkitlakamatstokej Ken notlajtlani manotekitilti * páginas tlen tikpiyaj ipan Internet, niman yejuin yokichiuj maonia uejueyimej tlaueltin. Ompa kuajli noijtoua ika xakaj kipiya “kitlalis ipan okseki páginas, tlaixkopinaltin, amatlajkuiloltin tlen san tikitas ipan dispositivos, intokayo okseki marcas, tlakuikaltin, videos noso tlamachtiltin tlen onka ipan página tlen tikpiyaj ipan Internet (nion xuelis notlalis ipan redes sociales nion ipan páginas kampa oksekimej uelis kitaskej videos niman amatlajkuiloltin)”. ¿Tleka melak noneki manotlajtlani maka ijkon manochiua?

Tikintlajpiyaj toamatlajkuiloluan, kuakon, xakaj uelis kintlejkoltis ipan okseki páginas tlen onka ipan Internet.

Tiktlajpiyaj nochi tlen tiktlejkoltiaj ipan páginas tlen tikpiyaj ipan Internet. Akin kixnamikij tlen melauak niman oksekimej tlaltikpakchanejkej kitlejkoltiaj toamatlajkuiloluan ipan páginas tlen yejuamej kipiyaj ipan Internet pampa ijkon kinyoltilanaj iteixpantijkauan Jehová niman oksekimej tlaltikpakchanejkej. San ika, ipan páginas tlen yejuamej kipiyaj noijki onka tlen kuajli yononemili niman ijkon mapeuakan manotlajtoltikan tla yemelak tlen kineltokaj (Sal. 26:4; Prov. 22:5). Oksekimej yokitlalijkej tlen kisa ipan toamatlajkuiloluan noso tlajkuiloltin jw.org ipan amamej kampa itlaj kitemachiltiaj, ipan tlen kinemakaj niman ipan aplicaciones tlen notemoltiaj ipan teléfono niman tabletas. Pampa tiktlajpiyaj nochi tlen tiktlejkoltiaj niman marcas tlen tikinchijchiuaj, ikalpan toTajtsin uelis kitekitiltis tlanauatiltin niman ijkon maka manochiua tlen xtitekauiliaj (Prov. 27:12). Tla ikalpan toTajtsin xtlaj kichiuaskia maski tla kimatiskia ika sekimej, maski Teixpantijkej, kitlalijtokej  oksekan tlen tiktlejkoltiaj ipan página tlen tikpiyaj ipan Internet noso kintekitiltijtokej tlajkuiloltin jw.org niman ijkon kinemakaskej itlaj, kuakon, tekiuajkej kanaj xtechpaleuiskiaj ijkuak tokojtiliaj tikinteltiskej akin techixnamikij noso akin tlanemakasnekij ika tlen totlatki.

Xtiktekitiltis jw.org ijkuak tikintemoltis toamatlajkuiloluan uelis melak mitsijtlakos. Jehová san kitekitiltia “tekitketl” yolmelauak niman tlamachilise matechmaka tlamachtijli tlen ualeua itech toTajtsin (Mat. 24:45). Yejuin “tekitketl” kitemachiltia tlamachtijli tlen ualeua itech toTajtsin san ipan páginas tlen tikpiyaj ipan Internet, jw.org, tv.jw.org niman wol.jw.org. Noijki san yejuin yeyi aplicaciones tikpiyaj tlen notekitiltia ipan teléfonos niman tabletas: JW Language®, JW Library® niman JW Library Sign Language®. Uelis kuajli tikmatstoskej ika ipan yejuin aplicaciones niman páginas tlen onka ipan Internet xuajnesi tlen nonemaka niman tlen tsokuiltik tlen iyaxka Satanás. Tla tlamachtijli tlen ualeua itech toTajtsin tikseliaj itech okseki páginas tlen onka ipan Internet, xuelis tikmatiskej tla yokijtlakojkej noso yokitsokuilojtijkej (Sal. 18:26; 19:8).

Noijki, tla yakaj kintlejkoltia toamatlajkuiloluan kampa uelis tikijkuilos tlen tiknemilia, kinkauilia akin kixnamikij tlen melauak niman akin techtejteneuaj makichiuakan ika oksekimej maka matlaneltokakan itech ikalpan Jehová. Sekimej tokniuan yonokamatlatlankej ipan Internet, niman yejuin melak yokitsokuiloti itokayo Jehová. Kampa teuan timonojnotsas ipan Internet xompa kampa titemachtis ika yolyemanilistli akin techixnamikij (2 Tim. 2:23-25; 1 Tim. 6:3-5). Noijki, yonomat ika yonochijchiujkej redes sociales niman páginas ipan Internet kampa kitekitiltiaj itoka ikalpan toTajtsin, itech Grupo akin Tlayekana ipan nochi tlanechikoltin niman itech akin teuan nemij ipan yejon grupo. Ika melak, nion se itech Grupo akin Tlayekana ipan nochi tlanechikoltin xkipiya se página ipan Internet tlen iyaxka nion xnemi ipan se red social.

Ijkuak tikintitlanij oksekimej ipan jw.org, titepaleuiyaj manosemoyaua “kuajli tlajtoltin” (Mat. 24:14TNM). Tlen techmakaj niman ijkon matiktekitiltikan ipan dispositivos niman ika matitenojnotsakan noyenkuilijtiuj. Niman tiknekij ika nochimej itech manopaleuikan. Yejua ika, ijkon ken noijtoua ipan Ken notlajtlani manotekitilti página tlen tikpiyaj ipan Internet, kema uelis yakaj tiktitlaniliskej se amatlajkuilojli noso tlen makititlani ipan jw.org niman ijkon ompa makitemolti. Ijkuak tikintitlanij tlaltikpakchanejkej akin kinekij kimatiskej tlen melauak ipan páginas tlen tikinpiyaj ipan Internet, tikchiuaj ika yejuamej manonisiuikan itech “tekitketl” yolmelauak niman tlamachilise, akin san yejua kitemaka tlamachtiltin tlen ualeua itech toTajtsin.

^ párr. 1 Uelis tiknextis tlen mitsititis Ken notlajtlani manotekitilti (Condiciones de Uso) tlatsintlan ipan ipeujyan página jw.org. Ompa noijtoua nochi tlen maka nochiuas ika nochi tlen notlejkoltia ipan páginas tlen tikpiyaj ipan Internet.