Xuiya kampa tlen onka ijtik

Xuiya kampa tlen kipiya

 MATINEMIKAN KEN CRISTO

Matomachtikan melak kuajli matitenojnotsakan: Xpeua ika tlajtoltin tlen uelis kichiuas xtenojnotsa

Matomachtikan melak kuajli matitenojnotsakan: Xpeua ika tlajtoltin tlen uelis kichiuas xtenojnotsa

Jesús ouel okinojnots samaritana pampa yejua yopeujka iuan tlajtoua, Jesús maski san kemanon tenojnotsaya. ¿Kenon tejuamej uelis tipeuaskej tonojnotsaskej iuan yakaj akin xtikixmatij?

  • Xkinkui yemanki tlajtoltin niman xpeua teuan xtlajtlajto. Maski Jesús yosiaujka, opeuj teuan nonojnotsa. ¿Kenon okichiuj? Ijkuak okitlajtlan atl tlen koniskia. Tejua uelis tipeuas ijkuak titetlajpalos niman kanaj uelis titlajtos itech kenon onokej tonaltin noso itech itlaj tlen san kemach onochiuj. Xkilnamiki, tiknekij tipeuaskej teuan tonojnotsaskej, yejua ika, xpeua xtlajto itech itlaj tlen kichiuas xmonojnotsakan. Tla xmitsnankiliaj, xtlaj panoua. Oksejpa xyejyeko iuan okse. Xtlajtlanili Jehová mamitsmaka yolchikaualistli (Ne 2:4; Hch 4:29).

  • Kuajli xkita kemanon uelis tipeuas titlajtos itech Tekiuajyotl, san ika, maka xchiua san isiujkan. Xkauili maajsi ijkuak iuelis itech yejon titlajtos. Tla san isiujkan tikneki titlajtos itech Tekiuajyotl, uelis kichiuas ika xkuajli manomachili akin tiknojnotsa niman xok kinekis xnojnotsa. Maka xmajmana tla ontlami ika iuan timonojnotsa niman xouel otitlajto itech Jehová. Tla mitstekiyomaka titenojnotsas itech kuajli tlajtoltin, xyejyeko xpeua teuan xtlajto maski xtikteijlis iTlajtol toTajtsin. [Xtlali video 1 niman xtlajtokan itech].

  • Xyejyeko tikchiuas itlaj tlen ika uelis tipeuas tiknojnotsas itech toTajtsin. Uelis tikijlis itech tlen tikneltoka, yejuin kichiuas ika yejua itlaj mamitstlajtolti. Yejon tlen okichiuj Jesús, okichiuj ika samaritana makineki okseki kimatis, niman opeuj kitlajtoltia. Ijkuak Jesús okinojnots itech kuajli tlajtoltin, yejua san kinankilijtiaya tlen kitlajtoltijtoya. [Xtlali video 2 niman xtlajtokan itech. Sakin, xtlali video 3 niman xtlajtokan itech].