Xuiya kampa tlen onka ijtik

Xuiya kampa tlen kipiya

 NEMILISTLI NIMAN TEKITL KEN CRISTO

¿Tleka tiktlasojkaita ken chipauak noueyichiua toTajtsin?

¿Tleka tiktlasojkaita ken chipauak noueyichiua toTajtsin?

Tlatlachalistli itech teopan tlen okipix Ezequiel, okinyolchikauj judíos akin okinuikakej Babilonia ika noyektlaliskia ken chipauak noueyichiuaya toTajtsin. Ipan itlamiyan tonaltin ken chipauak noueyichiua toTajtsin kuajli nochiua “ipan ikuatipan tepemej”, niman tejuamej itech yotonisiuikej imiuan miyekej tlaltikpakchanejkej akin ualeuaj nochi kalpamej (Isa 2:2). ¿Titlanemilia mojmostla ipan ueyi tetlayokolijli tlen tikpiya ika tikixmati niman tiktekichiuilia Jehová?

TLATEOCHIUALISTIN IKA CHIPAUAK NOUEYICHIUA TOTAJTSIN:

  • Tikseliaj miyek tlamachtijli tlen ualeua itech toTajtsin tlen kinnankilia tlajtoltilistin tlen ueyi kijtosnekij ipan tonemilis, tlajtolpaleuilistin niman se tlamachialistli (Isa 48:17, 18; 65:13; Ro 15:4).

  • Melak miyekej tokniuan akin techtlasojtlaj (Sl 133:1; Jn 13:35).

  • Tikpiyaj ueyi tetlayokolijli ika titekitij ken tiitekipanojkauan toTajtsin ipan se tekitl tlen techyolpaktia (Hch 20:35; 1Co 3:9).

  • “Dios [t]echmakas yolseuilistli”, ijkon tikpiyaskej kojtilistli ijkuak tikixnamikij tlen ouijtika (Flp 4:6, 7).

  • Tikpiyaskej totlamachilis chipauak (2Ti 1:3).

  • Melak kuajli touikaskej iuan Jehová (Sl 25:14).

¿Kenon uelis nikteititis ika niktlasojkaita ken chipauak noueyichiua toTajtsin?