Xuiya kampa tlen onka ijtik

Xuiya kampa tlen kipiya

 MATINEMIKAN KEN CRISTO

Kenon notekitiltis JW Library

Kenon notekitiltis JW Library

IKA TIMOMACHTIS:

  • Xpoua Biblia niman texto tlen mojmostla nopoua.

  • Xpoua Anuario, revistas niman okseki amatlajkuiloltin. Xtekitilti tlen itoka “Marcadores”.

  • Xmomachti tlen noitas ipan tlanechikojli niman xkintlajpalyoti tlanankilistin.

  • Xkimita videos.

IPAN TLANECHIKOLTIN:

  • Xkintejtemojtiuj textos tlen kinpoua akin kipanoltijtika se tlamachtijli. Xtekitilti tlen itoka “Historial” niman ijkon oksejpa tikitas texto tlen yotikpoujka.

  • Aman xok nonekis tikinmamajtinemis miyek amatlajkuiloltin, pampa ika JW Library uelis tikitstias tlen nopanoltijtika ipan tlanechikojli niman tlakuikajli. JW Library ikuajkui tlakuikaltin yenkuikej tlen ipan amoxtli, tlen kipiya tlakuikaltin, xkipiya.

IPAN TOTENOJNOTSALIS:

  • Tla tiknextia yakaj akin kineki kimatis okseki, xkititi itlaj tlen kuajkui JW Library niman xpaleui makitemolti aplicación niman seki amatlajkuiloltin ipan icelular noso tableta.

  • Xtekitilti tlen itoka “Buscar” niman ijkon tiknextis se texto ipan Biblia, san tikijkuilos se tlajtojli noso tlajtoltin.

  • Xkititi se video. Tla akin tiknojnotstika kipiya ikonetsitsinuan, uelis tiktlalis se tlen uajlauj itech videos Xmouika iuan Jehová. Noijki uelis tikteititis video ¿Tleka noneki timomachtis Biblia?, ijkon tikyolchikauas makiseli se tlamachtijli itech Biblia. Tla yejua tlajtoua okse tlajtojli, xtejtemo video ika itlajtol.

  • Xkititi yakaj se texto ika okse tlajtojli tlen tejua yotiktemolti. Xtejtemo tlaxelojli pitentsin, xpachouili número niman sakin xpachouili kampa uelis tikitas ika okse tlajtojli tlen tikistika.