Xuiya kampa tlen onka ijtik

Xuiya kampa tlen kipiya

 MATINEMIKAN KEN CRISTO

Tlakuikaltin itech Tekiuajyotl techyolchikauaj

Tlakuikaltin itech Tekiuajyotl techyolchikauaj

Pablo niman Silas okikuikatlalilijkej Jehová ijkuak tsauktoyaj (Hch 16:25). Xiuejkaui, tokniuan onokuikatijkej tlakuikaltin itech Tekiuajyotl ipan Sachsenhausen itech Alemania nazi, kampa melak okintlajyouiltijkej, okinchiualtijkej matekitikan niman okinuikakej Siberia. Yejuin neskayomej techititiaj ika tlakuikaltin kipiyaj kojtilistli tlen kinyolchikaua tokniuan akin kixnamikij tlatlatalistin.

Sa achijtsin poliui, onias ika miyek tlajtoltin amoxtli tlen ika tokuikatiskej itoka Cantemos con gozo a Jehová. Ijkuak ionias, uelis tomajmachtiskej yejuin tlakuikaltin ijkuak tikueyichiuaskej toTajtsin iuan tochanejkauan niman ijkon tikintsontekontlaliskej (Ef 5:19). Kuakon, ijkuak tikpiyaskej tlatlatalistin, espíritu santo techpaleuis matikimilnamikikan tlakuikaltin. Tlakuikaltin itech Tekiuajyotl techpaleuiyaj matiknemilikan itech totlamachialis. Techyolchikauaj ijkuak tikimixnamikij tlatlatalistin. Niman noijki ijkuak kuajli tomachiliaj, tlakuikaltin kichiuaj “matokuikatikan ika pakilistli” pampa melak tiyolpakij (1Cr 15:16; Sl 33:1-3). Kuakon, matochikauakan kuajli matikintekitiltikan tlakuikaltin itech Tekiuajyotl.

XKITA VIDEO UNA CANCIÓN QUE ROMPIÓ LAS CADENAS. SAKIN XKINNANKILI YEJUIN TLAJTOLTILISTIN:

  • ¿Tlenon okichiuj ika tokniuj Frost makichijchiua se tlakuikajli?

  • ¿Kenon yejuin tlakuikajli okinyolchikauj tokniuan akin nemiyaj Sachsenhausen kampa kintlajyouiltiayaj niman kintekipanoltiayaj?

  • ¿Kenon tlakuikaltin itech Tekiuajyotl uelis mitsyolchikauaskej ijkuak mojmostla tikixnamikis itlaj ipan monemilis?

  • ¿Katlejua tlakuikaltin itech Tekiuajyotl tikuelitaskia tikintsontekontlalis?