Xuiya kampa tlen onka ijtik

Xuiya kampa tlen kipiya

 TLAMACHTIJLI 4

¿Kenon otlamitoj akin okitlakamatkej Satanás?

¿Kenon otlamitoj akin okitlakamatkej Satanás?

Pampa Adán iuan Eva xokitlakamatkej toTajtsin omijkej (Génesis 3:6, 23)

Eva okikak kouatl niman okikua tlakilyotl. Sakin okimakak Adán, niman yejua noijki okikua.

Xkuajli tlen yejuamej okichiujkej, yejuin katka se tlajtlakojli. ToTajtsin okinkixti itech xochitlalpan kampa inchan katka.

Yejuamej melak otlajyouijkej iuan inkoneuan. Oueuentsintiakej niman omijkej. Yejuamej omijkej; xkanaj oksekan oyajkej.

 Ijkon ken tlalpoktli xkipiya nemilistli, ijkon nemij akin yomijkej (Génesis 3:19)

Tejuamej timikij pampa tinochimej tiualeuaj itech Adán iuan Eva. Akin yomijkej xtlaj kitaj, xtlaj kikakij nion xueli itlaj kichiuaj, kentla kochtoskiaj (Juan 11:11-14).

Jehová xkinekiya mamikikan tlaltikpakchanejkej. Ika yejon, kinyolitis akin yomijkej. Tla yejuamej kikakij toTajtsin, nemiskej nochipa.