Xuiya kampa tlen onka ijtik

Xuiya kampa tlen kipiya

 TLAMACHTIJLI 17

Tla tiknekij touan manouikakan, kuajli iuan matouikakan oksekimej

Tla tiknekij touan manouikakan, kuajli iuan matouikakan oksekimej

Tla titetlasojtla uelis tikpiyas akin iuan timouikas. Tla kuajli tikixmati Jehová, sajnoye tiktlasojtlas niman tiknekis tiktekichiuilis. Yejuin mitsyoleuas xtoka Jesucristo (Mateo 28:19). Tejua uelis timouikas nochipa iuan toTajtsin tla timosentlalia iuan iteixpantijkauan Jehová akin notlasojtlaj niman pakij. ¿Tlenon noneki tikchiuas tla tikneki imiuan tinemis?

Tla tiktlakamati itlanauatiluan toTajtsin tikteititis ika tiktlasojtla. “Ijkuak tiktlakamatij itlanauatiluan Dios, sa no yejua tiktlajsojtlaj. Niman itlanauatiluan xyejyetikej.” (1 Juan 5:3.)

Xchiua tlen timomachtia. Ijkon otechtlanemililti Jesús ijkuak okijto: Se tlakatl tlamachilisio okichijchiuj ikal ipan tepetlatl, niman se tlakatl xtlamachilisio okichijchiuj ipan xajli. Ijkuak oajakakiyau, on kajli tlachichiujtli ipan tepetlatl xouets, niman on kajli tlachichiujtli ipan xajli ouets niman temojti ken oxoxoton. Jesús okijto ika akin kichiuaj tlen kijtoa, kichiuaj kentla on tlakatl tlamachilisio akin okichijchiuj ikal ipan tepetlatl. Noijki okijto ika akin xkichiuaj tlen kijtoa, kichiua kentla on tlakatl akin xtlamachilisio tlen okichijchiuj ikal ipan xajli. Itech yejuin ome tlakatl, ¿kentla akinon tiknekiskiaj tikchiuas? (Mateo 7:24-27.)

 Xmotemaka itech toTajtsin. Uelis tikchiuas tla ipan se teoyotl tikijlia Jehová ika tiknekij tikchiuas nochipa tlen yejua kineki. Tla tikchiuaj tlen Jehová kineki, tikteititiaj ika tiktokaj Jesucristo (Mateo 11:29).

Xmoapolakti. “Xmokuateki [noso xmoapolakti], niman xkijli toTeko para ma mitschipaua ika on motlajtlakoluan.” (Hechos 22:16.)

Xtekichiuili ika nochi moyojlo. “San tlinon yejuan nenkichiuaskej, xchiuakan ikan kuajli nemoyojlo ken nenkitekipanojtiaskiaj toTeko niman xejuamej on tlakamej.” (Colosenses 3:23.)