1. ¿Tlen kualtsin tlajtojli ualeua itech toTajtsin?

ToTajtsin kineki ika tlaltikpakchanejkej manemikan ika inyojlo. Okichijchiuj tlaltikpaktli niman nochi tlen onka pampa kintlasojtla tlaltikpakchanejkej. Sa achijtsin poliui ijkuak kichiuas kuajli manemilo nochiuiyan ipan tlaltikpaktli, pampa yejua kipopolos nochi tlen tetlajyouiltia. Xkita Jeremías 29:​11.

Nion se tlanauatijketl xueli kipopoloua tlen xkuajli panotok, kokolistli nion mikilistli. Yejuin tlajtojli techyolkokoua. San ika, onka kualtsin tlajtojli, xok uejkauis toTajtsin kinpopolos tekiuajkej niman yejua peuas tlayekanas. Akin kinyekanas xok kualoskej niman nemiskej ika inyojlo. Xkita Daniel 2:​44 niman Apocalipsis (Revelación) 21:​3, 4.

2. ¿Tleka noneki manoteijli tlen kualtsin techijlia toTajtsin?

Tlamis tlajyouilistli san ijkuak toTajtsin kinpopolos akin xkuakualtin itech tlaltikpaktli (Sofonías 2:3). ¿Kemanon yes? Ipan iTlajtol yokijtoka ika panos tlen aman panotok. Nochi tlen panotok techititia ika iyejkotika tonajli ijkuak toTajtsin tlapopolos. Xkita 2 Timoteo 3:​1-5.

3. ¿Tlenon noneki tikchiuaskej?

Noneki tomachtiskej itech toTajtsin ipan Biblia. Pampa yeskia kentla se amatlajkuilojli tlen techuajtitlanilia totaj akin techtlasojtla. Techijlia kenon uelis tinemiskej ika toyojlo ipan yejuin tonaltin niman kenon tinemiskej ika pakilistli ika tlayekapan itech tlaltikpaktli. Sekimej xkuelitaskej tla mitspaleuiyaj xkasikamati Biblia. Tla toTajtsin kijtoua ika tlayektlalis ika tlayekapan, noneki maka matikinkakikan oksekimej ijkuak techijliskej ika yejuin xmelak nochiuas. Xkita Proverbios 29:​25 niman Apocalipsis 14:​6, 7.