Xuiya kampa tlen onka ijtik

Xuiya kampa tlen kipiya

 TLAJTOLTILISTLI 7

¿Tlenon nikchiuas tla nexchiualtiaj teuan maninoteka?

¿Tlenon nikchiuas tla nexchiualtiaj teuan maninoteka?

TLEKA NONEKI

Tlen tikchiuas mitspaleuis noso mitsijtlakos ika tlayekapan.

¿TLENON TIKCHIUASKIA?

Xtlanemili itech yejuin: Heather niman Mike ikuikaj ome metstli ika kistinemij, san ika, Heather kita kentla melak youejkauj iuan nemiskia. Nochi tonajli notlajkuilouilijtokej niman nonotstokej ipan teléfono niman, ¡ikimatstokej tlenon kijtos se maski xiontlami! San ika, aman Mike kineki kichiuas okse itlaj.

Yejuin ome metstli, Mike niman Heather san nomakitskiaj niman xmiyekpa yonotejtenkuajkej noso yonopipitsojkej. Heather xkineki kichiuas okse itlaj, san ika, noijki xkineki makikauakan. Xakaj kichiua manomachili melak kuakualtsin niman ika xok nemi yakaj okse ken yejua. “Kuakon”, kijtoua, “kuajli tla tikchiuaskej pampa melak totlasojtlaj”.

Tla tejua itiueyi niman iuelis tikistinemis iuan yakaj niman mopan nochiujtoskia ken Heather, ¿tlenon tikchiuaskia?

XMOTELTI NIMAN XTLANEMILI

Timotekas iuan moixnamik se itetlayokolil toTajtsin. Tla tikchiua maski xtimonamiktia, kijtosneki kentla xtikpatiojkaita yejuin tetlayokolijli. Kentla yakaj mitsmakaskia se mokoton melak kualtsin niman san ika titlachipauaskia.

Tla tejua tiuajtsikuini ipan se kojtli pampa tikneki tipatlanis ken se tototl, tejua titlajyouis. Noijki ijkon panoua tla tejua xtikintlakamati tlanauatiltin niman tiuauilnemi ijkon ken nikan kijtoua: “Xmochipauakan niman maka xauilnemikan” (1 Tesalonicenses 4:3).

¿Kenon tonkisas tla xtiktlakamati yejuin tlanauatijli? Biblia kijtoua: “Xonkaj okse tlajtlakojli yejuan kijtlakoua icuerpo se tlakatl” (1 Corintios 6:18). ¿Tlenon kijtosneki yejuin?

 Akin tlaixmatkej kijtouaj ika miyekej telpokamej niman ichpokamej akin yonotekakej iuan yakaj maski xnonamiktiaj, kixnamikij yejuin tlemach:

  • NOTLAJTLAKOLMAKA. Miyekej telpokamej niman ichpokamej akin onotekakaj iuan yakaj maski xiuan nonamiktiaj kijtouaj ika sakin onoyolkuepkej pampa okichiujkej.

  • XOK TLANELTOKA. Ijkuak yonotekakej iuan yakaj, sekimej notlajtoltiaj iuan akinon okse yonotekaka imixnamik.

  • NOYOLKOKOUA. Ipan inyojlo, miyekej ichpokamej kinekij nemiskej iuan yakaj akin makintlajpiya niman maka yakaj akin san kinekis iuan notekas. Niman miyekej telpokamej xok kinuelita ichpokamej akin nimantsin kinekij.

  • Kuakon: Tla timoteka iuan yakaj maski xtimonamiktia, xtiktlasojkamatstoskia itlaj tlen melak patioj tikpiya (Romanos 1:24). Motlalnakayo melak ueyi kijtosneki. ¡Xtlasojtla!

Xmochikaua niman maka yakaj iuan xmoteka tla xtimonamiktia (1 Tesalonicenses 4:3). Ijkuak timonamiktis, kema uelis tikchiuas. Niman xtlaj mitsajmanas ijkon ken miyekej kimajmana ijkuak kichiuaj maski xnonamiktiaj (Proverbios 7:22, 23; 1 Corintios 7:3).

 ¿TLENON TIKNEMILIA?

  • Tla yakaj mitstlasojtla, ¿xmelak ika kinekiskia kuajli xnemi niman kuajli xmomachili?

  • Tla yakaj yemelak najmana mopampa, ¿mitstlajtlaniliskia xchiua itlaj tlen kijtlakoskia ken timouika iuan toTajtsin? (Hebreos 13:4).