Xuiya kampa tlen onka ijtik

¿Tlenon tiknemilia panos ika tlayekapan?

¿Tlenon tiknemilia panos ika tlayekapan?

¿Tiknemilia ika...

  • ... nochipa tinemiskej ken aman?

  • ... ok poliui panos tlen melak xkuajli?

  • ... noyektlalis ken tinemij?

 TLEN BIBLIA KIJTOUA

“Dios [kipopolos] nochi ajmantli, niman xok onyas mikilistli, nion chokistli, [...] nion kokolistli, pampa nochi tlen achtoj onkatka yopanok.” (Apocalipsis [Revelación] 21:4, In Yencuic Iyectlajtoltzin Dios ican Náhuatl de Guerrero.)

KENON TECHPALEUIS MATIKMATIKAN

Tikpiyaskej se kualtsin tekitl niman ika toyojlo tikchiuaskej (Isaías 65:21-23).

Xok titlajyouiskej niman xok tikualoskej (Isaías 33:24; Apocalipsis 7:17).

Tinemiskej nochipa ika pakilistli iuan tochanejkauan niman akin imiuan touikaj (Salmo 37:11, 29).

 ¿YEMELAK UELIS TIKNELTOKASKEJ TLEN BIBLIA KIJTOUA?

Kema, matikitakan san ome:

  • ToTajtsin kichiuas tlen yokijto.  Ipan Biblia, san toTajtsin kitokayotia: Akin nochi ueli kichiua; pampa melak ueyi kojtilistli kipiya (Apocalipsis 15:3). Ika yejon, ijkuak kijtoua tlayektlalis ipan tlaltikpaktli, uelis tikneltokaskej ika yemelak kichiuas. Ijkon ken kijtoua ipan Biblia, “[toTajtsin] nochi ueli kichiua” (Mateo 19:26).

  • ToTajtsin melak kineki kichiuas tlen yokijto.  Matikijtokan se: Biblia kijtoua ika Jehová melak kineki kinyolitis tlaltikpakchanejkej akin yomijkej (Job 14:14, 15).

Noijki kijtoua ika Jesús, toTajtsin iKoneuj, okinpajti kokoxkej. ¿Tleka okinpajti? Pampa yejon tlen ika nochi iyojlo kinekiya kichiuas (Marcos 1:40, 41). Itech tlen okichiuj Jesús okiteititi tlenon melak kineki kichiuas iTajtsin Jehová inpampa akin tlajyouijtokej (Juan 5:19).

Ika yejon, uelis tikneltokaskej ika Jehová niman Jesús kinekij kualtsin matinemikan ika tlayekapan (Salmo 72:12-14; 145:16; 2 Pedro 3:9).

 XMOTLAJTOLTI

¿Kenon toTajtsin kichiuas ika kualtsin matinemikan ipan yejuin tlaltikpaktli?

Tiknextis kenon Biblia mitsnankilis ipan MATEO 6:9, 10 niman DANIEL 2:44.