¿Tiknemilia ika...

  • ... san tlaltikpakchanejkej okijkuilojkej?

  • ... xkeman opanok tlen kijtoua?

  • ... iTlajtol toTajtsin?

 TLEN BIBLIA KIJTOUA

“Nochi Yektlajkuilojli itech Dios [ualeujtika].” (2 Timoteo 3:16, In Yencuic Iyectlajtoltzin Dios ican Náhuatl de Guerrero.)

KENON TECHPALEUIS MATIKMATIKAN

Techijlia itech tlemach tlen ipan tonemilis xtikmatij kenon tikchiuiliskej (Proverbios 2:1-5).

Techyekana mojmostla ipan tonemilis (Salmo 119:105).

Kichiua matikneltokakan tlen kualtsin panos ika tlayekapan (Romanos 15:4).

 ¿YEMELAK UELIS TIKNELTOKASKEJ TLEN BIBLIA KIJTOUA?

Kema, matikitakan san yeyi:

  • Akin otlajkuilojkej nochipa onotlajtolnamijkej. Opanok kanaj mil seiscientos xiujtin niman kanaj cuarenta tlakamej okijkuilojkej Biblia. Maski miyekej akin otlajkuilojkej xkeman onoixmatkej, Biblia san se tlanemilijli kipiya niman tlajtoua san itech se tlamachtijli.

  • Akin otlajkuilojkej xtlaj okiyankej. Miyekej tlaltikpakchanejkej akin yokijkuilojkej tlen yopanok xkitlaliaj tlen xkuajli inpan onochiuj. Akin okijkuilojkej Biblia xokiyankej tlen xkuajli okichiujkej nion tlen xkuajli okichiujkej inchanikniuan (2 Crónicas 36:15, 16; Salmo 51:1-4).

  • Tlen kijtoua nochipa nochiua. Melak yeuejkaui, Biblia okijto ika kixoxotoniskiaj Babilonia. Okijto ijkuak ok poliuiya kanaj doscientos xiujtin ika nochiuaskia (Isaías 13:17-22). Niman xsan okijto kenon kixoxotoniskiaj, noijki okijto akinon kichiuaskia (Isaías 45:1-3).

Miyek okseki tlen Biblia okijto, noijki onochiuj nochi ken ompa onoijkuilo. Kuakon, kanaj yejuin xijkon yeskia tla xualeuaskia itech toTajtsin, ¿xmelak? (2 Pedro 1:21.)

 XMOTLAJTOLTI

¿Kenon uelis nechpaleuis iTlajtol toTajtsin?

Tiknextis kenon Biblia mitsnankilis ipan ISAÍAS 48:17, 18 niman 2 TIMOTEO 3:16, 17.