¿Tiknemilia ika...

  • ... san tla onka tlasojtlalistli?

  • ... san tla onka tomin?

  • ... noso itlaj okse?

 TLEN BIBLIA KIJTOUA

“¡[ToTajtsin] kintiochiua on yejuan [ki]kakij itlajtol niman kitlakamatij!” (Lucas 11:28, In Yencuic Iyectlajtoltzin Dios ican Náhuatl de Guerrero.)

KENON TECHPALEUIS MATIKMATIKAN

Yemelak totlasojtlaskej iuan tochanejkauan (Efesios 5:28, 29).

Yemelak totlakaitaskej iuan tochanejkauan (Efesios 5:33).

Yemelak kualtsin touikaskej iuan tochanejkauan (Marcos 10:6-9).

 ¿YEMELAK UELIS TIKNELTOKASKEJ TLEN BIBLIA KIJTOUA?

Kema, matikitakan san ome:

  • ToTajtsin okinnamikti kachtopa tlakatl iuan siuatl.  Biblia kijtoua ika “nochi kech familias [...] kiseliaj intoka” itech toTajtsin Jehová (Efesios 3:14, 15). Yejuin kijtosneki ika se tlakatl iuan isiuauj kipiyaj ichanejkauan pampa Jehová ijkon okitlali. ¿Tleka noneki matikasikamatikan yejuin?

    Xnemili: Tla tijkuaskia se tlakuajli tlen melak uelik niman tiknekiskia tikmatis tlenon okitlalilijkej, ¿akinon tiktlajtoltiskia? ¿Xmelak ika tiktlajtoltiskia akin okichijchiuj?

    Noijki ijkon, tla tikneki tikmatis kenon tinemis ika pakilistli iuan mochanejkauan, noneki tiktlajtoltis akin okinnamikti kachtopa tlakatl iuan siuatl, toTajtsin Jehová (Génesis 2:18-24).

  • ToTajtsin najmana topampa.  Tejua iuan mochanejkauan kuajli nenchantiskej tla nenkitejtemouaj ipan Biblia tlenon kijtoua Jehová, pampa “yejua kineki mechpaleuis” (1 Pedro 5:6, 7). ToTajtsin Jehová kineki xnemi ika moyojlo. Niman nochipa mitspaleuis tlen kijtoua (Proverbios 3:5, 6; Isaías 48:17, 18).

 XMOTLAJTOLTI

¿Kenon uelis melauak tiktlasojtlas mosiuatsin, moueuentsin noso timochiuas se tajtli tetlasojtlani?

Tiknextis kenon Biblia mitsnankilis ipan EFESIOS 5:1, 2 niman COLOSENSES 3:18-21.