Xuiya kampa tlen onka ijtik

¿Akinon ipan ima kipiya yejuin tlaltikpaktli?

¿Akinon ipan ima kipiya yejuin tlaltikpaktli?

¿Tiknemilia ika...

  • ... toTajtsin?

  • ... tlaltikpakchanejkej?

  • ... noso Diablo?

 TLEN BIBLIA KIJTOUA

“Diablo kinnauatia nochimej [...] tlakamej ipan in tlaltikpaktli.” (1 Juan 5:19, In Yencuic Iyectlajtoltzin Dios ican Náhuatl de Guerrero [IY].)

“IKonetsin [toTajtsin] ouajlaj para kixoxotoniko on tlen yejua on diablo kichiua.” (1 Juan 3:8.)

KENON TECHPALEUIS MATIKMATIKAN

Techpaleuis matikasikamatikan tleka nochiua tlemach xkuajli ipan tlaltikpaktli (Apocalipsis [Revelación] 12:12).

Techpaleuis matikchiakan tinemiskej ipan se kualtsin tlaltikpaktli (1 Juan 2:17).

 ¿YEMELAK UELIS TIKNELTOKASKEJ TLEN BIBLIA KIJTOUA?

Kema, matikitakan san yeyi:

  • Popoliuis tlaltikpaktli tlen Diablo kiyekantok. Jehová yokijto ika kinpopolos tlaltikpakchanejkej akin Diablo kinyekantok. Ipan iTlajtol kijtoua ika “[kixoxotonis] on diablo” niman kiyektlalis nochi tlen yokijtlako (Hebreos 2:14).

  • ToTajtsin yokitlapejpeni Jesucristo matlayekana. Jesús xijkon ken akin kiyekantok yejuin tlaltikpaktli, yejua xtetlajyouiltia nion xsan kitejtemoua tlen kineki. ToTajtsin yokijto kenon tlayekanas Jesucristo: “Kiknelis akin yolyemanki niman akin xtlaj kipiya [...]. Kinmakixtis itech tlen kintlajyouiltia niman itech akin kinchiuilia tlen xkuajli” (Salmo 72:13, 14, Traducción del Nuevo Mundo).

  • ToTajtsin xkeman kijtoua tlen xmelauak. Biblia techmelajkaijlia ika “[toTajtsin] xkeman kijtoua on tlen xmelauak” (Hebreos 6:18, IY). Kuakon, ijkuak Jehová kijtoua kichiuas itlaj, matikmatstokan kuajli ika yemelak kichiuas (Tito 1:2). Niman Yejua yokijto ika “kixtilis itekiuajyo on yejuan itekiua in tlaltikpaktli” (Juan 12:31).

 XMOTLAJTOLTI

¿Kenon nemiskej tlaltikpakchanejkej ijkuak Diablo xok ipan ima kipiyas tlaltikpaktli?

Tiknextis kenon Biblia mitsnankilis ipan SALMO 37:10, 11 niman APOCALIPSIS 21:3, 4.