Xuiya kampa tlen onka ijtik

Xuiya kampa tlen kipiya

Historia 115: Yenkuik xochitlalpan ipan tlaltikpaktli

Historia 115: Yenkuik xochitlalpan ipan tlaltikpaktli

XKIMITA kojtin, kualtsitsintin xochimej niman uejkapamej tepemej. ¿Xmelak ika melak kualtsin yejuin? Xkita masatl, se telpokatsin kitlakualtijtika. Niman xkimita leones niman caballo tlen nemij ipan xiujtli. ¿Tikuelitaskia tinemis kampa ijkon matlakualtsinkan?

ToTajtsin kineki xnemi nochipa ipan tlaltikpaktli ipan se xochitlalpan, maka xpiya tekokojkayotl ken tlaltikpakchanejkej ipan yejuin tonajli. Biblia kijtoua ika ijkon nemiskej ipan yenkuik xochitlalpan. ‘ToTajtsin imiuan nemis. Xok yakaj mikis niman xok yakaj chokas niman xok yakaj nokokos. Nochi yejuin tlemach yopanok.’

Jesús kichiuas nochi yejuin tlen kualtsin. ¿Tikmatstika kemanon nochiuas? Kema, sakin tla yokipopolojkej ipan tlaltikpaktli nochi tlen xkuajli niman tla noijki yokinpopolojkej xkuakualtin tlaltikpakchanejkej. Xkilnamiki, ijkuak Jesús onen ipan tlaltikpaktli okinpajti tlaltikpakchanejkej itech kokolistli tlen kipiayaj, niman noijki okinyoliti oksekimej. Ijkon okiteititi tlenon kichiuas ipan tlaltikpaktli ijkuak yejua yes Tekiuaj ipan itekiuajyo toTajtsin.

¡Xnemili kenon melak kuajli tinemis ipan xochitlalpan! Jesús, iuan sekimej akin yejua kintlapejpenia, uajtekiuajtitoskej iluikak. Kinyekanaskej akin nemiskej ipan tlaltikpaktli niman kichiuaskej ika nochimej mapakikan. Matikitakan tlenon noneki tikchiuaskej, niman ijkon toTajtsin uelis techmakas nemilistli tlen xkeman tlamis ipan yenkuik xochitlalpan.

Apocalipsis 21:3, 4; 5:9, 10; 14:1-3.

Ken nesis xochitlalpan


Tlajtoltilistin

  • ¿Tlenon kijtoua Biblia onias ipan Xochitlalpan?
  • ¿Kenon kijtoua Biblia chantilos ipan Xochitlalpan?
  • ¿Kemanon kichiuas Jesús nochi yejuin tlen kualtsin?
  • Ijkuak Jesús onen ipan tlaltikpaktli, ¿kenon okiteititi tlen kichiuaskia, ijkuak yejua Tekiuaj yes ipan iTekiuajyo toTajtsin?
  • ¿Tlenon kichiuas Jesús iuan akin imiuan uajtlayekantos iluikak?

Okseki tlajtoltilistin

  • Xpoua Apocalipsis 5:9, 10.

    ¿Kenon uelis tikmatstoskej ika tekiuajkej iuan teopixkej akin tekiuajtiskej Mil Xiuitl, yejuamej teikneliskej niman teasikamatiskej? (Efe. 4:20-24; 1 Ped. 1:7; 3:8; 5:6-10).

  • Xpoua Apocalipsis 14:1-3.

    ¿Tlenon kijtosneki ika ipan imixkuateuj 144,000 tlaltikpakchanejkej tlajkuilolnestika itokayo Tajtli niman Borreguito? (1 Cor. 3:23; 2 Tim. 2:19; Apo. 3:12).