Xuiya kampa tlen onka ijtik

Xuiya kampa tlen kipiya

Historia 47: Se israelita tlachteki

Historia 47: Se israelita tlachteki
Acán kiyantika tlen okichtek

¡XKITA tlen kitlalpachojtika ikalijtik yejuin tlakatl! Se kualtsin tlakentli, oro niman seki tlemach tlachijchiujtli ika plata. Yejuin okuajkuiteuj Jericó. San ika, ¿tlenon nonekiya nochiuas ika yejuin tlemach tlen onkatka Jericó? ¿Tikilnamiki?

Nonekiya makitlatikan, niman oro iuan plata notekitiltiskiaj ipan itabernáculo Jehová. Kuakon yejuamej xokitlakamatkej toTajtsin. Okitlachtekilijkej toTajtsin. Yejon tlakatl itoka Acán, niman oksekimej akin imiuan nemij, yejuamej ichanejkauan. Matikitakan tlenon panoua.

Ijkuak Acán yokichtejka yejuin, Josué kintitlani seki tlakamej makixnamikitij ueyikalpan Hai. San ika, kintlanij. Sekimej mikij, niman oksekimej cholouaj. Josué melak noyolkokoua. Notlakuanketsa niman kijlia Jehová: ‘¿Tleka tijkaua mapano yejuin?’

Jehová kinankilia: ‘¡Xmokuiteua! Israel yotlajtlako. Okiyankej seki tlemach tlen nonekiya manotlati noso manotekitilti ipan notabernáculo. Yakaj okichtek se kualtsin tlakentli niman xkineki nokuitis. Xnimechteochiuas tla xnenkitlatiaj yejon tlakentli niman tla xnenkimiktiaj akin yokichtek yejuin’. Jehová kijlia Josué ika kititis akinon yejon xkuajli tlakatl.

Kuakon Josué kinsentlalia nochimej israelitas niman Jehová kinextia yejon xkuajli tlakatl Acán. Acán kijtoua: ‘Yonitlajtlako. Onikitak se kualtsin tlakentli, oro niman seki tlemach tlachijchiujtli ika plata. Onikuelitak yejuin niman onikimitkik nochan. Uelis nenkinextiskej nochi yejuin tlalpachijtokej nokalijtik’.

Ijkuak kinextiaj yejuin tlemach niman kitkiliaj Josué, yejua kijlia Acán: ‘¿Tleka yotitechtlajyouilti? ¡Aman Jehová mitstlajyouiltis!’ Kuakon nochimej, kitemojmotlaj Acán iuan ichanejkauan hasta kampa kinmiktiaj. ¿Xtechititia yejuin ika xkuajli tla titlachtekij?

Sakin israelitas oksejpa yauej kixnamikij Hai. Aman Jehová kipaleuiya ikalpan niman yejuamej tetlanij.

Josué 7:1-26; 8:1-29.



Tlajtoltilistin

  • ¿Akinon yejon tlakatl akin nesi ipan tlaixkopinajli kitlalpachojtika seki tlemach tlen okuajkuiteuj Jericó, niman akinomej kipaleuijtokej?
  • ¿Tleka melak xkuajli tlen okichiujkej Acán iuan ichanejkauan?
  • ¿Tlenon Jehová kijlia Josué ijkuak kitlajtoltia tleka okintlankej israelitas, ijkuak okixnamijkej Hai?
  • ¿Kenon okiteititijkej iteoyouan Josué itech kenon iuan nouikaya Jehová? (Jos. 7:7-9; Sal. 119:145; 1 Juan 5:14).
  • ¿Tlenon techititia itech tlen ipan onochiuj Acán, niman kenon techpaleuiya? (Jos. 7:11, 14, 15; Pro. 15:3; 1 Tim. 5:24; Heb. 4:13).

Okseki tlajtoltilistin

  • Xpoua Josué 7:1-26.

    ¿Kenon okiteititijkej iteoyouan Josué itech kenon iuan nouikaya Jehová? (Jos. 7:7-9; Sal. 119:145; 1 Juan 5:14).

    ¿Tlenon techititia itech tlen ipan onochiuj Acán, niman kenon techpaleuiya? (Jos. 7:11, 14, 15; Pro. 15:3; 1 Tim. 5:24; Heb. 4:13).

  • Xpoua Josué 8:1-29.

    ¿Tlenon noneki tikchiuaskej tinochimej ipan tlanechikojli ipan yejuin tonaltin? (Jos. 7:13; Lev. 5:1; Pro. 28:13).