¿Akinon okinchijchiuj iluikamej niman tlaltikpaktli? ¿Kenon okinchijchiujkej Tonajli, Metstli iuan sitlalimej, niman noijki okseki miyek tlemach tlen onka ipan tlaltikpaktli? Biblia kijtoua ika nochi okichijchiuj toTajtsin. Ijkon yejuin amoxtli peua techijlia tlen ijkuiliujtika ipan Biblia: kenon onochijchiuj nochi tlen onka.

Tiuelij ika toTajtsin kachtopa okinchijchiuj miyekej espíritus akin ijkon tlachiayaj ken yejua. Kintokayotiaj iluikaktekitkej. San ika, nochimej tlaltikpakchanejkej okinchijchiuilijkej tlaltikpaktli. Ika yejon toTajtsin okichijchiuj tlakatl itoka Adán iuan siuatl itoka Eva niman okintlali ipan se kualtsin xochitlalpan. Pampa xokitlakamatkej toTajtsin, xouel onenkej nochipa.

Ijkuak okichijchiujkej Adán hasta ijkuak oapachiuilok opanokej 1,656 xiujtin. Ipan yejon tonaltin onenkej miyekej tlaltikpakchanejkej xkuakualtin. Ipan iluikak nemiyaj espíritus akin xuelij tikimitaj, Satanás niman iiluikaktekitkauan xkuakualtin. Ipan tlaltikpaktli, onenkej Caín niman oksekimej tlaltikpakchanejkej xkuakualtin, niman noijki tlakamej akin kipiayaj kojtilistli tlen xakaj kipiaya. San ika, noijki onenkej tlaltikpakchanejkej kuakualtin ipan tlaltikpaktli… Abel, Enoc niman Noé. Ipan yejuin Parte SE tikpouaskej itech akin yotikinteneujkej niman tlenon opanok.

Yolkamej ipan xochitlalpan Edén