Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

Okumi ni Muteko Ahu Weekristu–Yoochariha ya Mithukumano  |  yunyu 2017

 OKUMI WEEKRISTU

Mwaakihe Malamulo a Yehova

Mwaakihe Malamulo a Yehova

Yehova Muluku, oovahererya malamulo awe wa achu. Mwawaacererya, owo oolamula wi othela okhale pahi ophitaana wa mulopwana ni muthiyana. (Mat 19:4-6, 9) Owo onniica mukhalelo ori woothene wa opharihela mwiikho moonanara. (1Kor 6:9, 10) Owo onnavahererya malakiheryo vooloca sa ikuwo ni mawarelo wi aahiyanihe achu awe ni achu a mulaponi.Malam 22:5; 1Tim 2:9, 10.

Mmahiku ahu yaala, achu ancipale annakhooca malamulo a Yehova. (Aro 1:18-32) Awo annavoloweliwa ni moonelo wa achu vooloca sa ikuwo, mukhalelo wa owara ni meecelo aya. Awo anniirumiha ni mikhalelo saya soonanara nave annaathoriha akina yaawo ari oohiyana ni makhalelo aya.1Ped 4:3, 4.

Ntoko Anamoona a Yehova, nnaphwanela waakiha malamulo a Muluku moolipa murima. (Aro 12:9) Mwawiihai? Hiyaano nnaphwanela waasuweliha ti heeni Yehova oneemereryeiye. Nyenya tho nnaphwanela ocharihaka malamulo vooloca sa weela mu okumi ahu. Mwawiihiiha, vaavaa nnathanlaahu soowara sahu ni mukhalelo wa owara, nnaphwanela wiikohaka: ‘Yoothanlaka enooniherya moonelo wa Yehova naari wa elapo? Yoowara ni mukhalelo kiwanraaka onnooniherya wi kamulapeli a Yehova?’ Vaavaa nnaathanlaahu aprokrama a TV naari ixilema nnachunaahu woona, nnaphwanela wiikohaka: ‘Mpwanne Yehova onneemererya yeela kinoonaaka? Meecelo taani anavuwihiwa? Mathatelo yaala kithanlilaaka anahaala okiceecheiya mmakupa oomunepani? (Sal 101:3) Mpwanne enahaala waahiciha a veemusini vaka naari achu akina?’1Kor 10:31-33.

Ntakhara heeni oryaaya woochuneya wiiwelela malamulo a Yehova? Moohilekela Yesu Kristu onahaala waatoloxa alipa oonanara oothene. (Ezek 9:4-7) Pahiru yaale aneera yookhwela ya Muluku tanahaala ovuluwa. (1Yoh 2:15-17) Hankooni oothene ahu, naakihe malamulo a Yehova nivahaka onamoona ni meecelo ahu aphaama yaawo anamucicimiha Muluku.1Ped 2:11, 12.

Soowara saka ni mawarelo aka anooniherya wi kinachara malamulo awani?

MOONE EXILEMA TORNE-SE AMIGO DE JEOVÁ—UM HOMEM E UMA MULHER, NAVE VOOCHARELA MUTHOKORORYE MAKOHO ALA:

  • Ntakhara heeni ti yamiruku okhala mwawiiwanana ni malamulo a Yehova?

  • Ntakhara heeni asitiithi anaphwanelaaya waahusiha anamwane aya vooloca sa malamulo a Yehova ovinyerya woonamwaneni?

  • Ti mwawiihai amiravo vamoha ni awuuluvala aneeraaya yaakhaviherye achu wi ephure mahala a Muluku?