Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

Okumi ni Muteko Ahu Weekristu–Yoochariha ya Mithukumano  |  yunyu 2017

 OKUMI WEEKRISTU

Mphwanye Ohakalala mu Olaleerya Michaka Yaphaama

Mphwanye Ohakalala mu Olaleerya Michaka Yaphaama

Montoko woona okhala woovila olaleerya? Ancipale a hiyaano naahaala waakhula wi aai. Nave ntakhara heeni? Akhweya nthowa na waaphwanya achu oowali naari ahinachuna owiriyana naari nthowa na woova oloca ni muchu nihimusuwenlaahu. Chiryene, ichu iha inanwerya ovukula ohakalala wahu. Nyenya, hiyaano nnamurumeela Muluku oohakalala, yoowo onachuna wi hiyaano tho nimurumeeleke moohakalala. (Sal 100:2; 1Tim 1:11) Moone mathowa mararu ananeeriha okhala oohakalala mmuteko wa olaleerya.

Nthowa noopacerya, hiyaano nnalaleerya michaka sa ewehereryo. Naamwi ewehereryo erikinvira ecakanelaka mmahiku yaala, hiyaano nnanwerya ohela mmurimani mwa achu michaka sa “witxhàla.” (Isa 52:7) Nave michaka yaphaama ya Omwene wa Muluku, sinanwerya tho oniruuhela ohakalala. Muhaakumve ocimula muyaaka mmuteko wa olaleerya, muupuwelele mareeliho Omwene wa Muluku onahaalaaya oruuha veelaponi yavathi.

Nthowa nanaawiili, michaka yaphaama nnalaleeryaahu sinnaakhaviherya achu omwiilini ni omunepani. Awo annacharuwa meerelo oonanara ni okhalano ewehereryo ya okumi woohimala. (Isa 48:17, 18; Aro 1:16) Nuupuwele wi nnalapa muteko wa woopola ikumi iri va yawoopiha. Naamwi naaphwanyaka achu ahinachuna woopoliwa, ntitelele owaavya yaale anachuna.Mat 10:11-14.

Nthowa naneeraru, nave noochuneyaxa, olaleerya wahu onnamucicimiha Yehova. Owo onnathamalela muteko ahu wa ovaha onamoona. (Isa 43:10; Ahe 6:10) Opwaha yeeyo, owo onnanivaha munepa waweela mahaleene wi naakhwaniherye muteko yoola. Mwawiihiiha, mumveke Yehova ohakalala, woona wi yawiima ya munepa waweela. (Gal 5:22) Nnikhaviheryo nawe, nnahaala ovootha sawiipiha murima soothene wi nlaleerye moohihiyererya. (Saw 4:31) Nave, moohiphwacha mukhalelo nnaakhuliwaahu mu ekulucu ahu, nnahaala ophwanya ohakalala mmuteko ahu wa olaleerya.Ezek 3:3.

Wiiveleela wa mukhalelo taani munachunaanyu okhalano mmuteko woolaleerya? Muni muwerye hai wooniherya ohakalala?

MOONE EXILEMA RECUPERE A ALEGRIA POR MEIO DO ESTUDO E DA MEDITAÇÃO, NAVE VOOCHARELA MWAAKKHULE MAKOHO ALA:

  • Ntakhara heeni nnaphwanelaahu wiilyiha omunepani, naamwi nimalihaka iwora sincipale mmuteko woolaleerya mweeri ti mweeri?

  • Mmukhalelo taani nnahaalaahu omutakiherya Mariya?

  • Elukuluku taani ni nipuro munoonaanyu okhala naphaama wuupuwelela Masu a Muluku?

  • Tiheeni enoohokalalihani vaavaa munalaleeryaanyu michaka yaphaama?