Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

Okumi ni Muteko Ahu Weekristu–Yoochariha ya Mithukumano  |  Tesempuru 2017

 OKUMI WEEKRISTU

Wunnuwiha Mavyakelo Ahu Mmuteko wa Olaleery​—Ochekula ni Oothene mu Ekulucu Ahu

Wunnuwiha Mavyakelo Ahu Mmuteko wa Olaleery​—Ochekula ni Oothene mu Ekulucu Ahu

NTAKHARA HEENI TI YOOCHUNEYA: Mulipa a miririmu Sakariya, aaloherya wi achu a ilocelo ni maloko oohiyanahiyana yaahaala weemererya michaka yaphaama. (Zak 8:23) Nyenya taani aahaala waahusiha? (Aro 10:13-15) Hiyaano nookhalano ekari ni murici wa olaleerya michaka yaphaama wa muchu ori oothene mu ekulucu ahu.​—od-T 84 ¶10-11.

MUKHALELO WA WEERANO YEELA:

  • Mwiirehererye. Apwanne munnaaphwanya achu yaawo analoca elocelo ekina? Munaphwanela ompharihela JW Language wi muhuserye mukhalelo wa ochekulano. Naari mpharihelaka ekhankoonya anyu, munanwerya omuleela muchu owo mukhalelo wa ophwanya elocelo awe mu jw.org wi akhaleno sooleeliherya ikina.

  • Mukhale oovareryela. Wakhala wi munalaleerya empa ni empa, muhiyeleeleke ekari ya olaleerya wa yaale anavira, naari yaale ari mukaaro. Nyenya, wakhala wi muri variyari va olaleerya wa vanlakani, muheemererye wi echu ekina ewaakanyeryeeni, muupuwele wi yoolakelela anyu ori ovaha onamoona.

  • Wiilipixerya. Mwiilipixerya waaphwanya yaale muhiwenryaanyu waaphwanya owaani mu ekwaha yoopacerya. Mwaavye ochekula ni muchu mu ipa soothene, akhweya onamuchuneya okookelewo elukuluku ekina va nihiku naari nihiku nikina va esumana. Wa anamakhala akina, onamuchuneya akhweya waarepela ekaarata, telefoni, naari olociwano mphironi.

  • Mwaaceererye nchuno. Mmuxekurye moohilekela wi munnuwihe nchuno oonihenryeiye. Wakhala wi onaloca elocelo yoohiyana ni yawinyu, mmwaavye muchu oophwanelela onaloca elocelo yeeyo. Nyenya, munaphwanela otitelela omuxekurya ophiyerya oonen’ye mulaleeryi onaloca elocelo awe.​—od-T 94 ¶39-40.

MOONE EXILEMA MULALEERYE “OPHIYERYA OKHOMONI WA ELAPO,” NAVE MWAAKHULE MAKOHO ANACHARELA:

  • Marehereryo taani anna ni arokora yaapankaaya wi elaleerye mu ekulucu yoorakamela? (1Kor 9:22, 23)

  • Makacamiho taani awo yaavonthaaya?

  • Mareeliho taani awo yaakhenlaaya?

  • Tiheeni munaphwanelaanyu weera wi mulaleerye wa achu ancipale mu ekulucu anyu?