Ekumi yamahala yasisapo. Mukhalelo nnapharihelaahu yamahala yeela nihiku nnihiku ennooniherya waakhanle wi ninnathamalela. Ntoko Anamoona a Yehova, ninniilipixerya opharihela osuwela ni mavyakelo ahu wi nimucicimihe Yehova, Mulipa Oovaha Ekumi. (Sal 36:9; Wup 4:11) Nyenya, sawuukhula sa nihiku nnihiku mu elapo yeela yootakhala, sinanwerya waakanyerya soothowa sahu soomunepani ni oneeriha waavya ichu soomwiilini. (Mar 4:18, 19) Yaahaala okhala yaphaama wiikoha: ‘Miyaano chiryene kinnamvaha Yehova yeeyo eri yaphaama? (Ose 14:2) Muteko aka onavolowela hai omurumeela waka Yehova? Soolakelela saka soomunepani tisivi? Tiheeni kinaphwanelaaka weera wi kaaceererye orumeela waka? Wakhala wi mohoona makupa munaphwanelaanyu orehererya, mvekele wa Yehova wi ookhaviheryeeni opaka matorokelo oochuneya. Moohikhwa minikwa, omucicimiha Yehova nihiku nnihiku onnanivaha ekumi yoohakalaliha ni murecele!​—Sal 61:8.

Munamvaha taani mavyakelo anyu?

MOONE EXILEMA MPHARIHELE MAVYAKELO ANYU WA YEHOVA, NAVE VOOCHARELA MWAAKHULE MAKOHO ALA:

  • Ntakhara heeni waahaalaaya okhala olosowa opharihela mavyakelo anyu mu elapo ela ya Satana? (1Yoh 2:17)

  • Mareeliho taani anaakhelaaya yaale anamvaha Yehova yeeyo eri yaphaama?

  • Mmakupa taani a muteko wa Yehova nyuwaano mwaahaalaanyu opharihela mavyakelo ni masuwelelo anyu?