Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

Okumi ni Muteko Ahu Weekristu–Yoochariha ya Mithukumano  |  Otupuru 2017

 OKUMI WEEKRISTU

Mukhalelo wa Okhala Oohuserya Oowetha a Soorempwa

Mukhalelo wa Okhala Oohuserya Oowetha a Soorempwa

Munnachuna okhala ororomeleya variyari va makacamiho hiiha ntoko Taniyeli? Taniyeli aanahuserya Masu a Muluku moowetha, ophitaanyerya sooloherya sawiixeela. (Dan 9:2) Omuhuserya Piipiliya moowetha onamookhaviheryaani otitelela okhala oororomeleya. Mwawiihai? Onamookhaviheryaani wunnuwiha nroromelo nanyu wi soolaiherya sa Yehova inahaala waakhwanela. (Yos 23:14) Navetho enahaala wookhaviheryaani wunnuwiha osivela wanyu wa Yehova, oweerihakaani weera yeeyo eri yaphaama. (Sal 97:10) Vano, muni mpacerye vaavi? Muthokororye sooleeliherya inacharela.

  • Tiheeni kinaphwanelaaka ohuserya? Yookhovelela yaphaama ya ohuserya onnaphitaanyerya wiirehererya ntakhara mithukumano. Nnahaala ophura vancipale mu waalakhanyiwa wa Piipiliya wa esumana, wakhala wi ninniilipixerya otholathola makupa yaawo nihiiwexenxaahu. Mwawaacererya, akina annathanla ohuserya sincipale vooloca sa sooloherya sa Mpiipiliyani, makupa oohiyana-hiyana a sawiima sa munepa, mikwaha sa omisiyonaario sa murummwa Paulo, naari ohuserya soopatuxiwa sawooneya sa Yehova. Wakhala wi munnuupuwela makoho a Mpiipiliyani variyari va nihiku, murepele nave ekhale makupa a yoohuserya wanyu enacharela.

  • Kini kiphwanye woowi sooleeliherya? Wi mukhaleno sooleeliherya ikina, moone exilema Ikaruma sa Otholathola wi Mphwanye Muhakhu Woomunepani. Wi mweererye mavyakelo anyu, mpake otholathola wi musuwela taani anaweemelela alamuleli a elapo yaawo analociwa mu Daniyeli ecima 7.

  • Kinaphwanela omalihaka ilukuluku kavi kihuseryaka? Ohuserya moohicompela ennakhaviherya wunnuwa omunepani. Mpacerye ohuserya mu elukuluku vakhaani, wakhala woochuneya, nave moovira wa elukuluku, mwaaceererye elukuluku ya ohuserya wanyu. Ohuserya Masu a Muluku onalikana ni waavya muhakhu woovitheya; vaavaa munaphwanyaanyu muhakhu owo, munnachuna waaceererya! (Masi 2:3-6) Osivela wanyu Masu a Muluku onahaala waaceereryeya, nave omuhuserya Piipiliya moohicompela enahaala okhala yookhovelela anyu.​—1Ped 2:2.

AXINAMA ANAROMOLIWA MU DANIYELI ECIMA 7 ANEEMELELA EHEENI?

  • Dan 7:4

  • Dan 7:5

  • Dan 7:6

  • Dan 7:7

NIKOHO NIHANLE:

Daniyeli 7:8, 24 okhwaanenle hai?

MWAAVYE NAAKHULO NA NIKOHO NLA:

Axinama anaromoliwa mu Wupulula ecima 13 aneemelela eheeni?