Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

Oreheryiwa wa Empa ya Omwene o Suwisa

OKUMI NI MUTEKO AHU YOOCHARIHA YA MITHUKUMANO Maiyu 2017

Mapaceryiho a Ntakiheryo

Mapaceryiho a ntakiheryo a omvaha Mulipeleli ni ohusiha eparipari vooloca sa omwaahiyu ahu. Mpharihele mukhalelo yoola wi murepe mapaceryiho anyu.

MUHAKHU WA MASU A MULUKU

Eneneeryo Yooniherya wi Aisarayeli Yaahaala Woopoliwa

Yoolaiherya taani Yehova aapankeiye vaavaa aamurummeiye mulipa a miririmu Yeremiya othuma emaca? Yehova oonihenrye hai oreera wawe murima?

MUHAKHU WA MASU A MULUKU

Epeti-Melekhi—Yootakiherya Yaphaama ya Olipa Murima ni Oreera Murima

Owo aari oolipa murima nave aalakelela oya wa Mwene Setekiya, nave owo ahooniherya oreera wawe murima moorweela wa omoopola mulipa a miririmu a Muluku Yeremiya.

OKUMI WEEKRISTU

Orehererya Mapuro Ahu a Malapelo

Mapuro ahu a malapelo anneeliha nsina na Muluku, mwawiihiiha ti woochuneya otitelela ovelamo ni orehererya phaama. Ti mwawiihai mmoha ti mmoha a hiyo oneereiye akhaviherye orehererya Empa ya Omwene?

MUHAKHU WA MASU A MULUKU

Yehova Onahaala Omuthoriha Muchu ti Muchu Mwawiiwanana ni Miteko Sawe

Mulipa a miririmu Yeremiya vamoha ni Mwene Setekiya, ooweeli ala yaakhala o Yerusalemu, yoowo ahaala otoloxiwa, nyenya miyaha saya ti soohiyana.

OKUMI WEEKRISTU

Yehova Hanacuwala Osivela Wanyu

Ti mwawiihai Yehova onooneiye muteko wa akapuro awe awuuluvala naamwi ori wookotakota?

MUHAKHU WA MASU A MULUKU

Muhiye Wuupuwela “Wera Itxhu Itokotoko”

Parukhi aanamurumeela Yehova ni aanamukhaviherya Yeremiya moororomeleya, nyenya owo aayeleela okhala oophimelela. Ti heeni Parukhi aaphwaneleiye weera wi oopowe mu otoloxiwa wa Yerusalemu?

MUHAKHU WA MASU A MULUKU

Yehova Onnaareeliha Awiiyeviha Nave Onnaalaka Awiirumiha

Achu o Papulu yaari awiirumiha nave yaanaahooxa achu a Yehova. Aisarayeli oocharuwa yaahoopoliwa wookapuroni, vano tiheeni yeeren’ye ni Papulu?