Ocuphela mwaha

Ocuphela sampuwa

Anamoona a Yehova

Othanla elocelo Elomwe

 MUHAKHU WA MASU A MULUKU | ISAIYA

Erimu Evyaani ni Elapo Evyaani Enamuruuha Ohakalala Otokweene

Erimu Evyaani ni Elapo Evyaani Enamuruuha Ohakalala Otokweene

Yoororomeliha ya Muluku yeeyo enaphwanyeya mu Isaiya ecima 65 ti yeeparipari ophiyerya wi Yehova onaloca ntoko wi yoheereya.

Yehova onnapaka erimu evyaani ni elapo evyaani, mummo achu aneeraaya ehirwe enuupuwela ichu sakhalai

65:17

Erimu evyaani tiheeni?

  • Erimu esyaani olamulelo muvyaani yoowo onahaala oruuha ekhaikhai veelaponi yavathi.

  • Olamulelo owo otikitheryiwe mu 1914 vaavaa Yesu aakhanleiye Mwene a Omwene wa Muluku.

Elapo evyaani tiheeni?

  • Anaahiwa achu eekhaikhai orweela maloko oothene, ilocelo, ni mahimo yaawo aneemererya ohooleliwa ni erimu evyaani.

Mmukhalelo taani ichu sakhalai ihinahaalaaya wuupuweliwaka?

  • Ichu sinatannya ohooxeya—omwiilini, mmuupuweloni, ni makacamiho makina—herwa ekhalavo.

  • Achu eekhaikhai anampuha moomalela ekumi, nave anamukhalano saweereya soohakalaliha nihiku nnihiku.