Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

Okumi ni Muteko Ahu Weekristu–Yoochariha ya Mithukumano  |  Apirili 2017

 OKUMI WEEKRISTU

Muwaakheleke Phaama

Muwaakheleke Phaama

Owaakhela phaama taani? Achu oothene anaphiya mmithukumano sahu—ovinyerya avyaani ni asinthamwene ahu akhalai. (Aro 15:7; Ahe 13:2) Akhweya onamukhala munna naari murokora onarwa elapo ekina, naari Mukristu ooceecheya omunepani yoowo onampacerya okookela ophiya mmithukumano. Muupuwele waakhanle wi ti nyuwaano muri mmukhalelo yoowo. Apwanne himwaahaala osiveliwa waakheliwa phaama? (Mat 7:12) Mwawiihiiha, mwiilipixeryeke waamwenyerya awo mu Empa ya Omwene sihaakumve naari samala mithukumano. Eyo ennakhaviherya waaceererya onthamwene ni osivela mmulokoni, makhalelo yaawo anaruuha ncicimiho wa Yehova. (Mat 5:16) Mweeparipari, hokhala wooweryeya oloca ni achu oothene. Nyenya, oothene anahaala woona wi ahaakheliwa phaama wakhala wi oothene hiyo ninnapaka makupa ahu. *

Owaakhela aleco weeparipari honooniheryiwa pahiru mu elukuluku emoha ntoko ya Mukonelo, nyenya elukuluku yoothene. Vaavaa avyaani anoonaaya osivela wa Akristu, eyo enahaala oweeriha omuthamala Muluku ni okhala vamoha ni hiyaano mu malapelo eeparipari.Yoh 13:35.

^ par. 3 Piipiliya onnanihiiha ochekula ni yaale yiikariwe naari akumihiwe mmulokoni naamwi nlelo ephiyaka mmithukumano.—1Kor 5:11; 2Yoh 10.