Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

Mulipeleli—Oomuhuserya  |  Tesempuru 2017

“Kòsuwela wi Onanvinya Mokhwani”

“Kòsuwela wi Onanvinya Mokhwani”

“Ntamwene ahu Lázaro onamukona, nto kinaya onvìha.”​—YOHANI 11:11.

MACIPO: 54154

1. Tiheeni Marta aaroromeleiye wi yaahaala weereya ni muhima awe? (Moone eruku yoopacerya.)

MARTA, nthamwene awaacameleya ni oohuserya a Yesu, aamwinla. Muhima awe Lasaro, aahikhwa. Apwanne yaakhalavo echu yaahaala omuhakararya? Aai. Yesu aahimulaiherya ariki: “Munna à onanvinya mokhwani!” Mweeparipari, masu ale heki emalihe othanana wawe woothene. Mwawiihiiha, Marta aahiroromela yoolaiherya ya Yesu, nave aahiloca: “Kòsuwela wi onanvinya mokhwani nihiku nomaliha elapo.” (Yohani 11:20-24) Owo aahiroromela wi omwaahiyu onamukhalawo ovinya mookhwani. Nyenya voocharela, Yesu aahipaka echu yootikhiniha. Owo aamviiha Lasaro mookhwani nihiku nene nenle.

2. Ntakhara heeni munaroromelaanyu moomalela ntoko Marta?

2 Hinaano mathowa a oweherya wi Yesu naari Atiithi awe anahaala waaviiha oosiveliwa ahu hiihaano. Nyenya apwanne muri ntoko Marta yoowo aaroromenle wi omwaahiyu onahaala okhalawo ovinya mookhwani wa oosiveliwa anyu? Akhweya nyuwaano moomuyeleela iyanyu, naari mwaarinyu, amama anyu, apapa anyu, amunna anyu yaawo mwaasivelaanyu, naari mwaninyu mwaamusivelaanyu. Nyuwaano munnaweherya  waakhupaarela, olocano, ni ohakalala ni yaawo. Moohakalala, moolikana ni Marta, mookhalano mathowa aphaama a oloca: ‘Kòsuwela wi osiveliwa aka onanvinya mokhwani.’ Nlelo, ti yaphaama wa Mukristu ti Mukristu wuupuwela mathowa ananeeriha ororomela yeela moomalela.

3, 4. Tiheeni Yesu opankeiye hiihaanoru, nave elipinhe hai nroromelo na Marta?

3 Marta aakhala waacamela o Yerusalemu, mwawiihiiha owo akhweya haamonne Yesu amviihaka mwaana anaamukhwele waacamela o Nayini o Kalileya. Nyenya, akhweya aahiwa vooloca sa yeeyo. Nave owo akhweya aahiiwa wi Yesu aamviiha mwaana a mwaamuthiyana a Xairo. Achu oothene yaari vaate va nahano owo “yanasuwela wi owo àkhwa.” Naamwi hiiha, Yesu amphara ntata nave aaloca ariki: “Mwana, vinyà!” (Luka 7:11-17; 8:41, 42, 49-55) Oopiili, Marta ni murokorawe Mariya, yaanasuwela wi Yesu aanwerya ompenusa mureca. Mwawiihiiha awo yaanaroromela wi waakhanle wi Yesu aari vaava, Lasaro haki akhwe. Woona wi aahikhwa, tiheeni Marta aawehereryeiye? Moone wi owo aalonce wi Lasaro aahaala ovinya mookhwani omwaahiyu, mu “nihiku nomaliha elapo.” Ntakhara heeni owo aanaroromela hiiha? Nave ntakhara heeni munnaphwanela ororomela wi omwaahiyu, onahaala okhalawo ovinya mookhwani ophitaanyerya oosiveliwa anyu?

4 Aakhalavo mathowa aphaama a ororomela saweereya sa ovinya mookhwani. Hiihaano nnahaala othokororya makina a yaawo. Mweeparipari, munanwerya ophwanya miyaha mu Masu a Muluku seiyo muhintonkwaanyu wuupuwela, nyenya iho inanwerya olipiha nroromelo nanyu na owoona oosiveliwaanyu wanaawiili.

SAWEEREYA SINANIVAHA EWEHERERYO

5. Ntakhara heeni Marta aanaroromela wi Lasaro aahaala oviihiwa mookhwani?

5 Moone wi Marta haalonce wi: ‘Kinnawehererya wi munnaka onahaala ovinya mookhwani.’ Owo aalonce: “Kòsuwela wi onanvinya mokhwani.” Ntakhara heeni Marta aaroromela moomalela? Nthowa nawi aanasuwela sa ovinya mookhwani weeren’ye khalai. Akhweya owo aahihuserya vooloca sa saweereya seiyo owannyawe ni o sinakooka vaavaa aareiye nahano. Vano, nnahaala othokororya saweereya raru sa ovinya mookhwani onalociwa mu Soorempwa.

6. Yootikhiniha taani Marta aahusenryeiye?

6 Ovinya mookhwani woopacerya weeren’ye mu elukuluku yeeyo Muluku amvanheiye mulipa a miririmu Eliya owerya wa opaka sootikhiniha. Omoko wo Isarayeli, o epooma yiichaniwa Sarepta, aahikhalawo naamukhweli oohaawa yoowo amwaakhenle phaama mulipa a miririmu. Voocharela, Yehova aahipaka yootikhiniha. Owo aahiroromeliha wi ephepa ni makhurwa awe heki emalemo mweepiyani mwawe wi owo ni mwanawe etitelele okhala. (1 Mamwene 17:8-16) Ohoolo waya, mwanawe aahiiceliwa nave aakhwa. Nyenya Eliya aahimukhaviherya. Vaavaa aamutannyileiye ponkwe owo, Eliya aahivekela wa Yehova: “Pwiya, Muluku aka, mwere wi mwana ola ahuhumuwe.” Nave eyo yaaheereya! Muluku aahinwiriyana Eliya, nave mwaana aahuhumuwa. Ola ovinya mookhwani woopacerya onalociwa Mpiipiliyani. (Mwaalakhanye 1 Mamwene 17:17-24.) Mweeparipari, Marta aahisuwela yaweereya yeela yoohakalaliha.

7, 8. (1) Eliseu aamuhakaranrye hai mayi oothanana? (2) Yootikhiniha ya Eliseu enooniherya eheeni vooloca sa Yehova?

7 Yaweereya yanaawiili ya ovinya mookhwani  enalociwa Mpiipiliyani yaapakiwe ni mulipa miririmu Eliseu. Mu epooma yiichaniwa Sune, aahikhalawo muthiyana aari Muisarayeli ahaarino anamwane. Woona wi owo aahimwaakhela phaama Eliseu, Yehova aahimureeliha muthiyana owo ni iyawe awuuluvala omuyara mwaana. Iyaakha vakhaani ohoolo waya, mwaana ole aahikhwa. Nkaanyiheryani othanana wa mayi ole. Othanana wawe waari otokotoko ophiyerya opaka mukwaha wa mastatiya 30 wi amphwanye Eliseu o mwaako Karmelo. Eliseu aahimurumiha mulapeli awe Kehasi wi amviihe ponkwe o Sune Eliseu ni mayi ehaakumve oyawo. Nyenya owo haawenrye omviiha mookhwani. Voocharela mayi ole oothanana aahiphiya vaate vamoha ni Eliseu.​—2 Mamwene 4:8-31.

Muluku aahooniherya wi owo ookhalano owerya wa waaviiha achu mookhwani

8 Eliseu aahivolowa mpa waarimo muruchu wa ponkwe ole, nave owo aahivekela. Yehova aahaakhula nivekelo na Eliseu nave mootikhiniha aamviiha mookhwani. Vaavaa mayi aamoonneiye mwanawe ahuhumunwe, aahitepa ohakalala! (Mwaalakhanye 2 Mamwene 4:32-37.) Akhweya owo aahuupuwela masu a nivekelo na Ana. Ana haayara ophiyerya vaavaa Yehova aamureelinheiye, amuyara mwaana iichaniwa Samuwele. Ana aahaacicimiha Apwiya Yehova ntakhara wi awo “annakeriha mmahiyeni ni annavinyihamo.” (1 Samuwele 2:6) Pahiru moorweela wa omviiha ponkwe ole o Sune, Muluku aahooniherya wi owo ookhalano owerya wa waaviiha achu mookhwani.

9. Mutharihe ovinya mookhwani waneeraru onalociwa Mpiipiliyani.

9 Yaweereya ekina yootikhiniha yeeren’ye Eliseu amanle okhwa. Owo aahirumeela ntoko mulipa miririmu opwaha iyaakha 50, nave ohoolo waya owo ‘apatxerya ovoreiwa, eretxe-ene yeyo yamukeriha wokhwani.’ Elukuluku yaaviravo, nave aahuuca ehala makhuvaru. Nihiku nimoha, Aisarayeli akina yaamvitha muchu ookhwa. Mootutusa, awo yaawoona ampava erwaaka. Aisarayeli yaaheererya ochawa ophiyerya yaaweryelaayavo wi ekophole mwawaakuveya, mwawiihiiha yaahikusa muruchu ole erihela munihiye na Eliseu. Piipiliya onnaloca: “Vano v’okonela makhuva a Eliseu, mulip’okhwa ole akokela ekumi nave avinya, emela.” (2 Mamwene 13:14, 20, 21) Saweereya seiyo saahimweeriha Marta ororomela wi Muluku toowerya opwaha okhwa. Ihotho sinaphwanela oweerihaani ororomela wi owerya wa Muluku, otokotoko ni woohikota.

SAWEEREYA MU ELUKULUKU YA AMUHUSERYA

10. Tiheeni yeeren’ye ni murokora Eekristu iichaniwa Tapitha nave tiheeni Petro aapankeiye?

10 Soorempwa sa Ekiriki Seekristu sinnatharihatho saweererya sa ovinya mookhwani saapakiwe ni alapeli ooromeleya a Muluku. Noomala oloca sa ovinya mookhwani waapakiwe ni Yesu waacamela epooma yo Nayini ni vaate va Xairo. Mu elukuluku ekina, murummwa Petro aamviiha mookhwani Tapitha iichaniwatho Torika. Petro aahivolowa mpa waarimo muruchu, avekela, nave voocharela aahi: “Tabithá, vinyá!” Moohilekela owo  aahuhumuwa, nave Petro “àhimperekha muthiyana ole wa yawo awonene.” Yaweereya yeele yaahiweeriha ancipale o epooma ‘owemererya Apwiya.’ Amuhuserya yaale avyaani yanwerya waaleela akina sa michaka saphaama vooloca sa Yesu navetho waaleela achu oothene vooloca sa owerya wa Yehova wa waaviiha alipa ookhwa.​—Saweriwa T’arummwa 9:36-42.

11. Tiheeni totore Luka aalonceiye sa mmiravo, nave yaweereya yeele yaavolowenle hai akina?

11 Aakhalavo akina yeerenle onamoona ovinya mookhwani okina. Mu ekwaha emoha Murummwa Paulo aari va muthukumano mu esaala ya empa yanachaaru yoosulu o Trowate weiwo vano oniichaniwawo Turkiya. Paulo aahiloca ophiyerya ohiyu eriyari. Mmiravo iichaniwa Eutiko aanawiriyana akiranthe vaxanelani. Nyenya ikhove saanwerya nave aahimora va empa yanachaaru yoosulu. Akhweya Luka aari oopacerya omphwanya Eutiko. Ntoko totore, aahisuwela wi mmiravo owo tahi wi aarimphoreya pahiru naari otuthuwa. Owo aarimukhwa chiryene! Paulo aahikhuruwatho. Amukhupaarela Eutiko nave aahaatikhiniha achu oothene, aalocaka: “Onnona!” Yootikhiniha yeela yaahaavolowela oothene yaale yoonne yeeyo yeeren’ye. Esuwelaka wi mmiravo owo aahikhwa nave wi aahivinya mookhwani, awo “yàhakalala vatokovene.”​—Saweriwa T’arummwa 20:7-12.

EWEHERERYO YEEPARIPARI

12, 13. Mwawiiwanana ni ovinya mookhwani nthokoronryaahu, makoho taani nnaphwanelaahu wiipakela?

12 Ovinya mookhwani nthokoronryaahu onaphwanela woovahaani nroromelo noolikana ni nenlo Marta aareiyeno. Nnanwerya ororomela wi Muluku ahu, yoowo onivanhe ekumi, onanwerya waaviiha alipa ookhwa. Ti yoohakalaliha osuwela wi alapeli oororomeleya a Muluku, ntoko Eliya, Yesu, naari Petro, yaaheerela onamoona emoha ti emoha ya yaweereya ya ovinya mookhwani. Nave iho seereya mu elukuluku yeeyo Yehova aapakeiye sootikhiniha. Vano, hanka vooloca sa yaale yaakhwile mu ilukuluku ikina, vaavaa saahaapakiwaya sootikhiniha? Apwanne alopwana ni athiyana  oororomeleya yaanwerya onweherya Muluku waaviha alipa ookhwa omwaahiyu? Apwanne yanwerya okhala oororomela ntoko Marta vaavaa aalonceiye sa murokorawe ariki: “Kòsuwela wi onanvinya mokhwani nihiku nomaliha elapo”? Ntakhara heeni owo aaroromenleiye wi omwaahiyu onamukhalawo ovinya mookhwani, nave ntakhara heeni nyuwaano munaphwanelaanyu ororomela?

13 Saweereya sincipale sinalociwa mu Masu a Muluku sinnooniherya wi alapeli awe oororomeleya yaahisuwela wi omwaahiyu onamukhalawo ovinya mookhwani. Hankooni naathokororye akina a yaawo.

14. Yaweereya ya Aparahamu enanihusiha eheeni vooloca sa ovinya mookhwani?

14 Muupuwele echu Yehova aamvenkeiye Aparahamu ompakela Isaki, mwaana yoowo aanwehenryeiye mu iyaakha sincipale. Yehova aahiloca: “Omukuse mwana à Isakhi, mwana à mmoharu, weyano onatepawe omukhwela, nave oyeno elapo yo Moriya. Weiwo, vasulu va mwako kineraka kothònyerye, ompahe mwana à ntoko mukutxho.” (Maphatxuwelo 22:2) Munnawerya waanyiherya mukhalelo Aparahamu oonneiye vaavaa iiwaleiye nlamulo nla? Yehova aahilaiherya wi moorweela wa muyareriwo wa Aparahamu, maloko oothene yahaala oreelihiwa. (Maphatxuwelo 13:14-16; 18:18; Aroma 4:17, 18) Navetho, Yehova aahiloca wi nreeliho naahaala orweela wa “Isakhi.” (Maphatxuwelo 21:12) Nyenya wi oweryeye hai waakhanle wi Aparahamu ompaha mwanawe? Paulo aahiveereliwa othariha wi Aparahamu aaneemererya wi Muluku anwerya omviiha Isaki. (Mwaalakhanye Ahebri 11:17-19.) Mwawiiwanana ni Piipiliya, Aparahamu haaweherya wi aahaala ovinya mookhwani elukuluku ene yeele, akhweya iwora vakhaani, nihiku noocharela, naari evinrevo esumana. Aparahamu haasuwenle ti liini mwanawe aahaaleiye oviihiwa mookhwani. Nto owo aahiroromela wi Yehova aahaala omviiha Isaki mookhwani.

15. Ewehereryo taani mulopwana a nroromelo Yupu aareiyeno?

15 Mulopwana a nroromelo Yupu aahisuwelatho wi omwaahiyu waahaala okhalawo ovinya mookhwani. Owo aahisuwela wi wakhala  wi mwiri woohuuhiwa, onnaphuwela wanaawiili nave okhala ntoko wi mwiri muvyaani. Nto eyo heneereya ni achu. (Yobi 14:7-12; 19:25-27) Wakhala wi muchu ookhwa, owo hanawerya wiikookiherya okumi. (2 Samuwele 12:23; Salumu 89:48) Nyenya, eyo henataphulela wi Muluku hani amviihe muchu okhwile. Mweeparipari, Yupu aaneemererya wi Yehova aahaala omuupuwela owo. (Mwaalakhanye Yobi 14:13-15.) Yupu haasuwela elukuluku taani yoomwaahiyu eyo yaahaalaaya weereya. Nlelo Yupu aanaroromela wi Mpatusa a okumi wa achu anwerya nave aahaala omuupuwela ni omviiha mookhwani.

16. Nlipiho taani munkeelo amvanheiye Taniyeli?

16 Mmuupuwele mulopwana mukina a nroromelo, Taniyeli. Owo aari kapuro oororomeleya a Yehova variyari va okumi awe, nave Yehova aahimukhaviherya. Ekwaha emoha munkeelo aahimwiichana Taniyeli muchu ‘okhweleya vancipale’ nave aahimuleela wi akhaleno “muretxele” nave wi akhale ‘olipa murima.’​—Daniyeli 9:22, 23; 10:11, 18, 19.

17, 18. Tiheeni Yehova aamulaihenryeiye Taniyeli?

17 Vaavaa Taniyeli aareiyeno iyaakha waacamela 100 ni omakuchuwelo wa okumi awe, owo akhweya aahuupuwela yeeyo yaahaala omphacuwela. Apwanne Taniyeli aanaweherya okhala wanaawiili? Aai chiri! Omakuchuwelo wa liivuru a Daniyeli, ninnaalakhanya yeeyo Muluku aamulaihenryeiye: “Weyano, Daniyeli, okhale òroromeleya ophiyerya womaliheryani. Weyano onamukhwa [onamwiichuuwa, Tradução do Novo Mundo].” (Daniyeli 12:13) Taniyeli aahisuwela wi achu ookhwa anamwiichuuwa nave wi “mmahiyeni honeriwamo etxhu nave mwemmo hiwamo wupuwela, osuwela ni miruku,” mwemmo aahaaleiye oyamo moohilekela. (Eklesiyaste 9:10) Naamwi hiiha, ala hiyaahaala okhala makuchuwelo a Taniyeli. Yehova aahimvaha yoolaiherya yootikhiniha yoomwaahiyu.

18 Munkeelo a Yehova aahimuleela: “Nto onamuhuhumuwa mokhwani wi wakhele ntxhuwelo.” Taniyeli haasuwenle mweeparipari ti liini eyo yaahaalaaya weererya. Owo aahiiwexexa wi aahaala okhwa ni wiichuuwa. Nyenya vaavaa Taniyeli iiwaleiye yoolaiherya yawi, “nto onamuhuhumuwa mokhwani wi wakhele ntxhuwelo,” aahiiwexexa wi omwaahiyu aahaala oviihiwa mookhwani. Eyo yaahaala weererya iyaakha sincipale amanle okhwa “womaliheryani” wa mahiku.

 

Ntoko Marta munaphwanela ororomela wi ovinya mookhwani onahaala weereya (Moone iparakrafo 19, 20)

19, 20. (1) Saweereya nthokoronryaahu siniiwanana hai ni masu Marta aalonceiye wa Yesu? (2) Tiheeni nnahaalaahu othokororya mmwaha onacharela?

19 Chiryene, Marta aahikhalano mathowa aphaama a ororomela wi munneeni oororomeleya, Lasaro aahaala ovinya “mokhwani nihiku nomaliha elapo.” Yoolaiherya ya Yehova wa Taniyeli, hiiha ntoko nroromelo noolipa na Marta mu ovinya mookhwani woomwaahiyu, enaphwanela onlekecha olelo. Onamukhalawo ovinya mookhwani.

20 Vano noohuserya sa ovinya mookhwani weeriwe khalai. Iha sawooniherya wi achu ookhwa enarwa eviihiwa mookhwani. Nohoonatho wi alopwana ni athiyana yaawo yaamurumeela Muluku moororomeleya yaanawehererya ovinya mookhwani woomwaahiyu. Nyenya apwanne sookhalavo sawooniherya sawi ovinya mookhwani onamweereya naamwi evinrevo elukuluku yincipale ovinyerya vaava olaiheryiwaaya? Wakhala wi aai, eyo enaphwanela onivaha mathowa a owehererya ovinya mookhwani omwaahiyu. Nyenya onahaala okhala liini? Nnahaala othokororya miyaha seiya mmwaha onacharela.