Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

Mulipeleli— Oomuhuserya

  |  Akostu 2017

Nni Niwerye hai Omurula Muchu Akhalai ni Ohimukookela?

Nni Niwerye hai Omurula Muchu Akhalai ni Ohimukookela?

“Nyuwo mmurunle mutxhu a khalai ni miteko sawe.”​KOLOSI 3:9.

MACIPO: 52, 54

1, 2. Tiheeni achu yoonnaaya vooloca sa Anamoona a Yehova?

ACHU ancipale annasuwela wi Anamoona a Yehova tawiiwanana. Ntoko yootakiherya, namarepa oniichaniwa Anton Gill aahithamalela mikhalelo sa Anamoona a Yehova o Nasi Alemanya. Owo aahirepa: “Anamoona a Yehova yaahikukuca wiica wa achu o Nasi. . . . Mu 1939 yaahiikhalawo achu awaakhwana 6.000 va [nipuro na alipa oophariwa].” Owo aahaaceererya ariki naamwi Anamoona yaakumanneno saweeha itokotoko, awo yaahisuweliwa nthowa na okhala oororomeleya, oomaaleleya vaavaa yiikariwaaya, oororomeleya wa Muluku aya ni awiiwanana.

2 Hiihaanoru, achu o Afrika Oohico yaahoonatho wiiwanana wa Anamoona a Yehova. Mu elukuluku emoha, Anamoona a Yehova a mwiili woohiyana hiyana a elapo yeele hiyeemereryiwa othukumana vamoha. Nyenya, nihiku na Murunku 18 a Tesempuru a 2011, Anamoona a Yehova opwaha 78.000 a mahimo oohiyana a elapo yeele ni a ilapo sawaacamela yaahithukumana va muthukumano wavameekhaaya yoowo weeren’ye o  nipuro ntokweene o Johannesburg. Xerenti mmoha aahiloca: “Achu a mukhalelo yoola nkintonko owoona va nipuro nenla. Oothene aawarela phaama. Nave nyuwaano moorehererya phaama mpuro yoola. Nave opwaha soothene, nyuwaano himwaano nthalu.”

3. Tiheeni eneeriha onnaahu wa elapo yoothene okhala wawiiwanana?

3 Naamwi achu ahiri Anamoona ananwerya woona vanlakani vene wi onnaahu wa elapo yoothene ti wawiiwanana. (1 Pedro 5:9) Ntakhara heeni nryaahu oohiyana ni marehereryo makina? Nnikhaviheryo na Piipiliya ni na munepa waweela wa Muluku, ninniilipixerya otoroka echu vyakala mookumini mwahu ehinamuhakalalikha Yehova. ‘Ninnamurula mutxhu akhalai’ ni ‘onwara mutxhu ahihano.’​—Kolosi 3:9, 10.

Ti wooweryeya muchu opaka matorokelo matokweene muukumini

4. Tiheeni nnahaalaahu othokororya mmwaha yoola? Ntakhara heeni?

4 Nimanle orula omuchu wakhalai, nnaphwanela ohikookela. Mmwaha yoola, voopacerya nnahaala ohuserya mukhalelo wa orula omuchu wakhalai, nave ntakhara heeni oryaaya wookhweleya. Nnahaala woona wi ti wooweryeya muchu opaka matorokelo matokweene muukumini mwawe moohipwacha mukhalelo aavoloweliweiye mu opaka ichu soonanara. Voocharela nnahaala othokororya tiheeni anaphwanelaaya weera yaale ari mu eparipari mu iyaakha sincipale wi etitelele omurula muchu akhalai. Ntakhara heeni nnachunaahu othokororya miyaha seiha? Chiryene, moothananiha, akina yaawo yaamurumeela Yehova khalai hiyaatitelenle wiikosoopa. Awo yaahipacerya wuupulela ni weera ichu ntoko yeeraaya khalai ehimusuwenle Yehova. Muchu ti muchu a hiyo onaphwanela wuupuwelela yoolopola ela: “Hiha yowo onupuwela wi ori òlipa, ikosope wi ahùwe.”​—1 Korinto 10:12.

MUKHOOCE SOOCHUNA VYAKHALA SINAHOOLELA OCHAPAHEYA

5. (1) Mvahe yootakiherya enooniherya ochuneya waya orula mwawaakuveya omuchu wakhalai. (Moone eruku yoopacerya.) (2) Saweera taani sinapaka makupa a omuchu wakhalai siromoliwe mu Kolosi 3:5?

5 Tiheeni mwaahaalaanyu weera waakhanle wi moosuwela wi soowara sanyu sooxuxara navetho sinnunkha? Mwaahaala orula mwawaakuveya. Mmukhalelo woolikana, wakhala wi noosuwela wi noheera ichu seiho Yehova oniiceiye, ti woochuneya otoroka mwawaakuveya. Alocaka saweera seiya soonanara, Paulo aahi: “Rihani nyuwotho sothene iha.” Hankooni nthokororye ichu piili mwa seiha: ocapaheya ni onyala.​—Mwaalakhanye Akolose 3:5-9, Nlakano Nahihano.

6, 7. (1) Masu a Paulo anooniheryaaya hai wi onnachuneya wiilipixerya wi nimurule muchu akhalai? (2) Tuuvi waari mukhalelo wa okumi wa Sakura? Tiheeni yaamulipinhe otoroka mukhalelo awe?

6 Ocapaheya. Mpiipiliyani, “ocapaheya” onaphitaanyerya okonihana wa achu apiili muthiyana ni mulopwana yaawo ahirepinhe othela. Paulo ooloca wi Akristu anaphwanela ‘wipha sam’mwílini’ wakhala wi sinnaruuhela nchuno na ocapaheya. Eyo enataphulela wi nnaphwanela wiilipiserya ohiya soochuna soonanara. Weerano yeela, onamukhala woovila, nyenya nnahaala okhumelela phaama.

 7 Nnanwerya woona yeela orweela wa yootakiherya ya murokora o Xapau oniichaniwa Sakura. * (Moone masu avathi.) Vaavaa Sakura unnunweiye, owo aanisoona omeekha ni oothanana. Wi eererye omaliha omeekha, owo aahipacerya okonihiwa arino iyaakha 15. Sakura aanakonihiwa ni alopwana oohiyanahiyana nave aahiyeeha erukulu ikwaha raru. Owo onnaloca: “Woopaceryani, kaaniisoona okhala okhapeleleya vaavaa kaakonihiwaaka, kuupuwela wi kaari oochuneya ni oosiveliwa. Nyenya vaavaa kaakonihiwaaka ikwaha sincipale, kaaniisoona okhala oohikhapeleleya.” Mukhalelo yoola wa okumi waahititelela ophiyerya vaavaa Sakura aareiyeno iyaakha 23. Voocharela owo aahipacerya omuhuserya Piipiliya ni Anamoona a Yehova, nave owo aahisiveliwa ni yeeyo aahuseryeiye. Yehova aahimukhaviherya ohiya mukhalelo ole woocapaheya ni ovootha miyoonelo sawe sa okhalano nthowa ni wuuliwa muru. Olelo, Sakura onarumeela ntoko piyoneera ookilaatheya nave vano haniisoona omeekha ntoko khalai. Owo onnaloca: “Kinnatepa ohakalala okhala mu nsivelo na Yehova nihiku ti nihiku nnavira.”

MUKHALELO WA OSEPA ONYALA

8. Mikhalelo taani inahaala oneeriha okhala achu oonyala vamiithoni va Muluku?

8 Onyala. Mpiipiliyani, “onyala” onnaphitaanyerya ichu sincipale opwaha ocapaheya. Onanwerya olociwa ntoko omulya soona naari oloca ichu sa mwiikho. (2 Korinto 7:1; Éfeso5:3, 4) Eyotho enanwerya ophitaanyerya ichu soonanara achu anapakaaya weephiini, ntoko owaalakhanya aliivuru yaawo anavuwiha miyaha sa okonihana naari woona epwitikiri. Ichu seiha sinnahoolela saweera soonyala ntoko oceha.(Kolosi 3:5) *​—Moone masu avathi.

9. Tiheeni eneereya wakhala wi muchu ohinnuwiha “okhwela sonanara”?

9 Achu yaawo wiiliwiili anoona epwitikiri annunnuwiha “okhwela sonanara” nave anamukhalano yookhovelela ya okonihana. Otholathola wohooniherya wi yookhovelela ya woona epwitikiri onalikana ni yookhovelela ya ohapaliwa ni olya mirece. Mwawiihiiha tahi yootikhiniha wi yookhovelela ya woona epwitikiri yookhalano sookhumelela soonanara. Iho sinaphitaanyerya wuuliwa muru, ohikhumelela phaama omutekoni, ohihakalala veemusini, omwalana, ophiyeryatho wiisiipha. Mulopwana mmoha amanle otaphuwa mu woona epwitikiri mu eyaakha emoha, owo aahiloca wi aanawerya ocicimiha okumi awe wanaawiili.

10. Ripeiro aamalinhe hai yookhovelela awe ya woona epwitikiri?

10 Wa achu ancipale, enakhala ekhoco okhala ootaphuwa woona epwitikiri. Nyenya ekhoco eyo enanwerya ovoothiwa. Muthokororye yootakiherya ya Ripeiro o Prasili. Ari mmiravo, owo aahivinyavo vaate, nave aahirowa olapa muteko o efaaprika yeeyo yaapaka wanaawiili ipapeli. Weiwo aahoona erevista ya epwitikiri. Ripeiro ooloca: “Vakhaani vakhaani, kaahikhalano yookhovelela. Yaari echu yoonanara ophiyerya wi nkaawerya onweherya mwaaraka opwahavo vaate wi koone ixilema sa epwitikiri.” Voocharela, nihiku nimoha omutekoni, Ripeiro aahiwoona aliivuru yuukeliwe yaawo yaachuna opakiwa ipapeli  wanaawiili nave aahimoona liivuru oniichaniwa O Segredo de Uma Família Feliz. Owo aahimucoca nave aahimwaalakhanya. Yeeyo aalakhannyeiye yaahimweeriha opacerya omuhuserya Piipiliya ni Anamoona a Yehova. Nyenya yaahiviravo elukuluku wi Ripeiro ahiye yookhovelela awe ya woona epwitikiri. Tiheeni yaamukhavihenrye? Owo onnathariha: “Moorweela wa ovekela, yoohuserya ya Piipiliya, ni wuupuwelela yeeyo kaahuseryaaka, othamalela waka mikhalelo sa Muluku waahaaceereryeya ophiyerya wi omusivela waka Yehova waahilipa opwaha nchuno naka na woona epwitikiri.” Nnikhaviheryo na Piipiliya ni na munepa waweela wa Muluku, Ripeiro aahitoroka mikhalelo sawe, apatisiwa, nave vano onarumeela ntoko mutokweene a muloko.

Nnaphwanela omusivela Yehova mwawiiseela ni wiica yeeyo eri yoonanara

11. Tiheeni eni emukhaviherye muchu okhala ootaphuwa woona epwitikiri?

11 Moone wi, wi akhale ootaphuwa orweela wa woona epwitikiri, Ripeiro aaphwanela opaka sincipale opwaha omuhuserya Piipiliya. Owo aaphwanela wuupuwelela mwawiiseela vooloca sa yeeyo aalakhanyeiye Mpiipiliyani ni weemererya wi etannye murima awe. Owo aaphwanela ovekela wa Yehova, ompachaanyerya mmavekeloni wi amukhaviherye. Ichu seiha saahimukhaviherya Ripeiro olipiha omusivela wawe Muluku, nave saahipha nchuno nawe na woona epwitikiri. Wi nikhale ootaphuwa orweela wa woona epwitikiri, nnaphwanelatho omusivela Yehova mwawiiseela ni wiica yeeyo eri yoonanara.​—Mwaalakhanye Salumu 97:10.

SIHIKHALE MWA NYUWO SOONYEENYEYA, MAWOOWO, NI SAWOOTHERYA

12. Tiheeni yaamukhavihenrye Stefano otoroka mukhalelo awe wa onyeenyeya ni mawoowo?

12 Achu akina annaakuvela onyeenyeya nave annaloca masu oonanara ni waaruwana akina. Vaavaa eneereyaaya yeela, emusi aya yoothene ennahooxeya. Tiithi mmoha o Australiya oniichaniwa Stefano wiiliwiili aanalipela nave haalekela onyeenyeya ni ichu ikhaani. Owo onnaloca: “Miyaano ni mwaaraka naahihiyana ikwaha raru nave naahanle vakhaani omwalana.” Voocharela, awo yaahipacerya omuhuserya Piipiliya ni Anamoona a Yehova, nave Stefano aaheererya opharihela yeeyo aahuseryeiye. Owo onnaloca wi ahaakumve omusuwela Yehova, aananyenyeya vancipale ni echu vyakala yeeyo yaamuruuhela esara ophiyerya okhala ntoko epompa enachuna ophuwa. Nyenya vaavaa Stefano aapacenryeiye ochariha ekano ya Piipiliya, ichu saanaweecela phaama. Owo onnaloca: “Emusi ahu yaahipacerya oreheryeya mootikhiniha. Nnikhaviheryo na Yehova, vano kookhalano murecele woolipa ni omaaleleya.” Olelo, Stefano onarumeela ntoko murummwa oorumeela, nave mwaariye onnarumeela ntoko piyoneera ookilaatheya mu iyaakha sincipale. Atokweene a muloko wa Stefano aaloca: “Stefano toomaaleleya, munna onalapa mwakuru, nave ookhalano moonelo wa wiiyeviha.” Awotho annaloca wi hiyitonko omoona anyeenyen’ye. Stefano haaniithamalela ni matorokelo yaala opankeiye. Owo  onnaloca: “Haavo mareeliho aphaama ntoko yaala yaahaala opaka makupa a okumi aka waakhanle wi nkeemerenrye nikhaviheryo na Yehova wi kiwerye orehererya moomalela omuchu aka.”

13. Ntakhara heeni onyeenyeya ti wawoopiha? Piipiliya onanlopola vooloca sa eheeni?

13 Piipiliya onnanlopola osepa onyeenyeya, waalocela moonanara akina, ni mawoowo. (Éfeso 4:31) Ichu seiha sinnahoolela meerelo a nlala. Olelo, achu ancipale anuupuwela wi onyeenyeya, nlala ichu saweemereryeya. Nyenya meerelo yaala hanamucicimiha Mpatuxa ahu. Annihu ancipale yaapaka matorokelo mmeereloni mwaya nave ewara omuchu wahiihaano.​—Mwaalakhanye Salumu 37:8-11.

14. Apwanne ti wooweryeya muchu a nlala okhala oomaaleleya?

14 Munna oniichaniwa Hans onarumeela ntoko mutokweene a muloko o Australiya. Oohoolela a nikhuuru na atokweene a muloko wa Hans ooloca: “Owo ti mmoha a anna oomaalaxa yoowo mwaahaalaanyu osiveliwa omusuwela.” Nyenya Hans haari oomaala ilukuluku soothene. Vaavaa aareiye mmiravo, owo aahipacerya owurya moopwaha mphimo nave aahikhala muchu a nlala. Elukuluku emoha vaavaa aahapaliweiye, owo aahikhala oonyeenyeya ophiyerya omwiipha mpwanaawe. Hans aahithoriheliwa okhala mukalaposo mu iyaakha 20, nyenya okhala mukalaposo hiyaatoronke omuchu awe. Voocharela, amama awe yaahimveka mutokweene wi amuxekurye, nave Hans aahipacerya omuhuserya Piipiliya. Owo ooloca: “Yaari ekhoco etokweene wa miyaano orula omuchu aka wa khalai. Soorepa sa Piipiliya saakilipinhe saari sa Isaiya 55:7, yeeyo enaloca wi: ‘Ori ònanara murima ahiye otakhala wawe!’ ni 1 Korinto 6:11, yoowo onaloca sa yaale anacharuwa meecelo aya  oonanara: ‘Akina mwa nyuwo yànera seiho.’ Mu iyaakha sincipale, Yehova moopisa murima aahikikhaviherya moorweela wa munepa awe waweela owara omuchu wahiihaano.” Hans opatisiwe nlelo ari mukalaposo, nave aahikumihiwa amalinhe iyaakha 17 ni emeya. Owo onnaloca: “Kinnathamalela ikharari ni okhurumuwela wa Yehova.”

15. Echu taani ekina enapaka makupa a omuchu wakhalai? Tiheeni Piipiliya onaloceiye sa yeela?

15 Wootha makupa makina a omuchu wakhalai. Ntoko yootakiherya, achu ancipale annootha echawaka oliva muxokho naari echunaka wiisaakiha wa soohesa saya. Nyenya Yehova ti “Muluku òroromeleya [naari eeparipari].” (Salumu 31:6) Mwawiihiiha owo onachuna wi alapeli awe oothene ‘eloceke eparipari’ ni ‘ohotheryana.’ (Éfeso 4:25; Kolosi 3:9) Chiryene, nnaphwanela oloca eparipari naamwi ekhalaka yawuuliha muru naari yoovila.​—Masiposipo 6:16-19.

AWO AWENRYE HAI OVOOTHA?

16. Tiheeni eni enikhaviherye orula omuchu wakhalai?

16 Honaweryeya orula omuchu ahu wakhalai mu ikuru sahu pahi. Sakura, Ripeiro, Stefano, ni Hans oothene yaala yaaphwanela owaniha moowetha wi etoroke mukhalelo wa okumi aya. Echu yaakhavihenrye waari owerya wa Masu a Muluku ni munepa awe waweela. (Luka 11:13; Ahebri 4:12) Wi niphure owerya weiwo, nnaphwanela omwaalakhanya Piipiliya nihiku ti nihiku, wuupuwelela ni ovekela moohihiyererya nivekaka miruku ni olipiherya opharihele yeeyo nihusenryaahu. (Yosuwa 1:8; Salumu 119:97; 1 Tesalónika 5:17) Ninnaphura tho orweela wa Masu a Muluku ni munepa awe waweela vaavaa nniirehereryaahu ni ophwanyeya mmithukumano sa muloko. (Ahebri 10:24, 25) Nave nnaphwanela opharihela soovaha seiho marehereryo a Yehova ananivahaaya, ntoko irevista sahu, JW Broadcasting, JW Library ni jw.org.​—Luka 12:42.

Nni niwerye hai omurula muchu akhalai? (Moone eparakrafo 16)

17. Tiheeni nnahaalaahu othokororya mmwaha onacharela?

17 Noothokororya mikhalelo mincipale soonanara seiho Akristu anaphwanelaaya orula ni ohikookela wi emuhakalalihe Yehova. Nyenya sookhalavo sincipale nnaphwanelaahu opaka. Nnaphwanela owara omuchu wahiihaano ni opaka okhala makupa ookilaatheya mu okumi ahu. Mmwaha onacharela, nnahaala othokororya mukhalelo wa weerano yeela.

^ par. 7 Masina makina aromoliwe mmwaha yoola aatorokiwa.

^ par. 8 Moone mwaha 25 mu liivuru Os Jovens Perguntam​—Respostas Práticas, evulume 1.