Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

Mulipeleli— Oomuhuserya

  |  September 2017

“Olipe ni . . . Opatxerye Muteko”

“Olipe ni . . . Opatxerye Muteko”

“Olipe ni ohituthume, opatxerye muteko ohovaka etxhu, ntakhara Apwiya, Muluku aka, ari . . . ni weyano.”​—1 MATHARIHELO 28:20.

MACIPO: 23, 29

1, 2. (1) Murici taani woochuneya Solomoni aakhenleiye? (2) Tiheeni yaamuthananiha Tavite vooloca sa Solomoni?

SOLOMONI aahaakhela murici wavameekhaaya. Yehova aahimuthanla wi ahoolele otekiwa wa empa ya Muluku o Yerusalemu, mmoha wa miteko soochuneya sa oteka wa elukuluku yoothene! Empa ya Muluku yaaya okhala “etokwenesa” nyenya yahaala ovuwa nthowa na oreera waya. Echu yookhweleyaxa, ti yawi yaaya okhala “empa y’Apwiya Muluku.”​—1 Matharihelo 22:1, 5, 9-11.

2 Mwene Tavite aanaroromela wi Muluku aahaala omukhaviherya Solomoni. Nyenya Solomoni aari “mmiravo ni ohiwerya etxhu.” Apwanne aahaala olipa murima wi eemererya murici wa oteka Empa ya Muluku? Naari apwanne okhala wawe mmiravo ni ohiwerya echu waahaala omuhiiha weerano yeeyo? Wi akhumelele phaama, Solomoni aanachuna olipa murima wi apake muteko.

3. Tiheeni Solomoni aaphwaneleiye ohuserya orweela wa olipa murima wa tiithi awe?

3 Solomoni aahihuserya sincipale vooloca sa olipa murima orweela wa tiithi awe, Tavite. Elukuluku aareiye mwaana,  Tavite aahiwana ni asinama a mutakhwani yaachuna ohiphela ipucepuche sa atiithi awe. (1 Samuwele 17:34, 35) Owotho ahooniherya olipa murima vaavaa aawanneiye ni omvootha nakhoco awuupa ni awoopiha iichaniwa Koliyati. Aai, nnikhaviheryo na Yehova ni nluku nikhaani, Tavite aahimvootha Koliyati.​—1 Samuwele 17:45, 49, 50.

4. Ntakhara heeni Solomoni aanachuna olipa murima?

4 Ninnawerya wiiwexexa ntakhara heeni Tavite aari muchu oophwanelela wi amuceenyerye Solomoni okhala oolipa murima ni oteka empa ya Muluku. (Mwaalakhanye 1 Matharihelo 28:20.) Waakhanle wi Soolomoni hoonihenrye olipa murima, woova waahaala omuceecheiha, eyo ti wi, omooceeliha opacerya muteko. Nave eyo yaahaala okhala yoonanara opwaha wooceela murici awe.

Ninnachuna nikhaviheryo noorweela wa Yehova wi nikhale oolipa murima nave nipake muteko owo onivanheiye

5. Ntakhara heeni ninnachuna olipa murima?

5 Moolikana ni Solomoni, ninnachuna nikhaviheryo noorweela wa Yehova wi nikhale oolipa murima nave nipake muteko owo onivanheiye. Mwawiihiiha hankooni nihuserye sootakiherya sa achu akina yaawo yoonihenrye olipa murima khalai. Voocharela nnaphwanela wuupuwela mukhalelo nneeraahu nooniherye olipa murima ni okhwaaniherya muteko ahu.

SOOTAKIHERYA SA OLIPA MURIMA

6. Tiheeni enootikhinihaani vooloca sa olipa murima wa Yosefe?

6 Yosefe ahooniherya olipa murima vaavaa mwaara a Potifare aamweereryeiye owo wi amukonihe. Owo aahisuwela wi okumi awe waahaala okhala va yawoopiha waakhala wi ookhooca. Nyenya opwaha weemererya, aahooniherya olipa murima nave aahikhooca mwawaakuveya.​—Maphatxuwelo 39:10, 12.

7. Rahapi oonihenrye hai olipa murima? (Moone eruku yoopacerya.)

7 Rahapi tho yootakiherya ekina ya olipa murima. Vaavaa alipa oohocela a Isarayeli yaakelaaya owannyawe o Yeriko, owo aahaala woova nave aahaala okhooca waakhaviherya. Nyenya nthowa nawi owo aahimuroromela Yehova, moolipa murima aahaavitha alopwana ale eeli nave aahaakhaviherya ovuluwa. (Yosuwa 2:4, 5, 9, 12-16) Rahapi aaneemererya wi Yehova ti Muluku eeparipari, navetho aanaroromela wi mmukhalelo ori woothene Yehova aahaala waavaha elapo Aisarayeli. Owo heemerenrye owoova akina, ophitaanyerya mwene o Yeriko, ni alopwana awe omoopopiha. Moohiyana, owo aaheerano moolipa murima nave aahiivulusa mukhateiye vamoha ni emusi awe.​—Yosuwa 6:22, 23.

8. Olipa murima wa Yesu waavolowenle hai arummwa?

8 Arummwa oororomeleya a Yesu yaahooniheryatho olipa murima otokotoko. Awo yaahoona olipa murima Yesu oonihenryeiye, nave eyo yaahaakhaviherya omutakiherya. (Mateu 8:28-32; Yohani 2:13-17; 18:3-5) Vaavaa Asatuki yeerenryaaya waahiiha awo ohusiha vooloca sa Yesu, arummwa yaahikhooca.​—Saweriwa T’arummwa 5:17, 18, 27-29.

9. Mmukhalelo taani 2 Timóteo 1:7 onanikhaviheryeiye wiiwexexa weiwo olipa murima onarwaayawo?

9 Yosefe, Rahapi, Yesu, ni arummwa yaahilakelela opaka yeeyo yaari yawookololowa.  Awo yaahooniherya olipa murima, tahi wi yaaroromela mavyakelo aya, nyenya nthowa nawi awo yaamuroromela Yehova. Mu ilukuluku ikina vaavaa nnachunaahu olipa murima, nnaphwanelatho omuroromela Yehova, oohiya wiiroromela mukhatiihu. (Mwaalakhanye 2 Timóteo 1:7.) Hankooni nthokororye makupa meeli a okumi ahu mummo nnachunaahu olipa murima: va echoko ahu ni mmulokoni.

MIKHALELO ONAKHWELEYAVO OLIPA MURIMA

10. Ntakhara heeni amiravo Eekristu annachuna olipa murima?

10 Sookhalavo mikhalelo mincipale amiravo Eekristu anachunaaya wooniherya olipa murima wi emurumeele Yehova. Awo ananwerya ohuserya ni ochariha yootakiherya ya Solomoni, yoowo oonihenrye olipa murima vaavaa aapankeiye yoolakelela mwamiruku wi amalihe oteka empa ya Muluku. Naamwi amiravo eweryaka nave ephwanelaka ohooleliwa ni asitiithi aya, awo aakhalano ophwanelela wa opaka soolakelela saya sookhweleya. (Masiposipo  27:11) Awo anaphwanela olipa murima wi epake yoolakelela yamiruku vooloca sa asinthamwene anahaalaaya okhalano, yeeyo awo anahaalaaya opaka mmathatelo, mukhalelo anahaalaaya otitelela okhala aweela, navetho vaavaa awo anahaalaaya opatisiwa. Awo annachuna olipa murima nthowa nawi anaya owanihaka ni yookhwela ya Satana, yoowo onamunyemula Muluku.

11, 12. (1) Mose oonihenrye hai olipa murima? (2) Amiravo eni echarihe hai yootakiherya ya Mose?

11 Yoolakelela emoha yookhweleya amiravo anaphwanelaaya opaka iri soolakelela taani anahaalaaya otikitherya. Mu ilapo ikina, amiravo anakhinyereryiwa ovaha esisapo mahusiheryo a vasulu ni ophwanya muteko yoowo onahaala waalivaka ikhorowa sawaaca. Navetho mu ilapo ikina, ophwanya ikhorowa onakhala woovila, nave amiravo akhweya annuupuwela wi echu eri yookhweleya ori olapa muteko wi ekhaviheryeke imusi saya. Waakhanle wi muri mmukhalelo woolikana, muupuwele yootakiherya ya Mose. Owo aaphuiwe ni mwaana a mwaamuthiyana a Farawo, mwawiihiiha akhweya anwerya otikitherya yoolakelela ya okhalano muhakhu muncipale naari okhala oovuwa. Mwaanyiherye okhinyererya eereliweiye ni emusi awe ya Oyikuputu, ahusiha, ni anamiruku! Nyenya Mose aari oolipa murima nave aahithanla okhala ni achu a Muluku. Amanle opwahawo o Yikuputu ni ohiya muhakhu aya, owo aahimuroromela Yehova moomalela. (Ahebri 11:24-26) Ntoko yookhumelela, Yehova aahimureeliha vatokotoko, nave owo nlelo onahaala omureeliha vancipale omwaahiyu.

12 Vaavaa amiravo anatikitherya aya moolipa murima soolakelela saya mmuteko wa Yehova, ni okuha mu nipuro noopacerya soochuna sa Omwene mu ikumi saya, owo onahaala waareeliha. Onahaala waakhaviherya ni soothowa sa imusi saya. Mu nsana noopacerya, mmiravo Timoteo atikithenrye okumi awe mu omurumeela Muluku, navetho nyuwo munawerya. * (Moone masu avathi.)​—Mwaalakhanye Filipi 2:19-22.

Apwanne moolakelela okhala oolipa murima mmikhalelo soothene sa okumi anyu? (Moone iparakrafo 13-17)

13. Olipa murima waamukhavihenrye hai murokora mmoha okhwaaniherya soolakelela sawe?

13 Murokora mmoha o Alapama, E.U.A., aanachuna olipa murima wi atikitherye soolakelela sawe mmuteko wa Muluku. Owo aahirepa: “Vaavaa kunnuwaaka, kaanatepa wuuliwa muru. Nkaawerya oloca ni achu mu Empa ya Omwene, xaxaxa omana mikhora sa achu kahaasuwelaaka phaama.” Nnikhaviheryo  na asitiithi awe ni akina mmulokoni, mwali ola Eekristu aahaakhwaniherya yoolakelela awe ya okhala piyoneera ookilaatheya. Owo onnaloca: “Elapo ya Satana enaceenyerya mahusiheryo a vasulu, ovuwa, ikhorowa, ni okhalano ichu sawaaca soomwiilini ntoko soolakelela saphaama.” Nyenya owotho aahisuwela wi achu ancipale heni ewerye okhwaaniherya soolakelela seiha nave wi pahiru anniiruuhela wuukhuwa ni wiicela. Owo onnaaceererya: “Omurumeela Yehova, wookiruuhela ohakalala otokotoko ni wiisoona okhala ookhweleya.”

14. Mmikhalelo taani asitiithi Eekristu anachunaaya olipa murima?

14 Asitiithi Eekristu annachunatho olipa murima. Ntoko yootakiherya, akhweya mutokweene anyu a muteko wiiliwiili onamoovekaani wi mulapeke mu ilukuluku sawaacereryeya mmahiku yaawo mulakelenlaanyu opaka malapelo a echoko, oya mmuteko woolaleerya, ni mithukumano sa muloko. Munaphwanela olipa murima oloca wi hooye wa mutokweene anyu a muteko ni otikitherya yootakiherya yaphaama wa anamwane anyu. Naari akhweya asitiithi avakhaani mmulokoni annaweemererya anamwane aya opaka ichu seiyo muhinachunaanyu wi anamwane anyu epake. Vaavaa asitiithi awo anookohaayani mathowa ene, apwanne munahaala okhala oolipa murima ni waaleela mmukhalelo woocicimiheya?

15. Salumu 37:25 ni Ahebri 13:5 onaakhaviherya hai asitiithi?

15 Onnachuneya olipa murima wi naakhaviherye aniihu otikitherya ni okhwaaniherya soolakelela saya sa omurumeela Muluku. Ntoko yootakiherya, asitiithi akina akhweya annoova waaceenyerya anaaya wi epake opiyoneero okhala muteko aya, orumeela weiwo  oriwo othowa otokotoko, orumeela opeteli, naari okhaviherya mmuteko wa oteka Ipa sa Omwene ni Ipa sa Muthukumano wa Ekulucu. Akhweya awo anoova wi anaaya heni ewerye waakhaviherya vaavaa awo eneeraaya yuuluvale. Nyenya, asitiithi amiruku annooniherya olipa murima ni okhalano nroromelo wi Yehova onahaala okhwaaniherya soororomeliha sawe. (Mwaalakhanye Salumu 37:25; Ahebri 13:5.) Asitiithi yaawo anooniherya olipa murima ni omuroromela Yehova annaakhaviherya anaaya weera emohamoha.​—1 Samuwele 1:27, 28; 2 Timóteo 3:14, 15.

16. Asitiithi akina anaakhaviheryaaya hai anaaya otikitherya soolakelela mmuteko wa Muluku, nave eyo enaakhaviherya hai anaaya?

16 Echoko emoha o Estatu Unitu yaahaakhaviherya anamwane aya okhalano yoolakelela ya omurumeela Yehova. Tiithi onnaloca: “Vaavaa aniihu yaapacenryaaya weeca ni oloca, naanavaanela ni yaawo vooloca sa ohakalala mmuteko wa opiyoneero ni orumeela mmulokoni. Olelo ela yoolakelela aya.” Owo onnaaceererya wi nthowa nawi anaaya yaatikitherya ni okhwaaniherya soolakelela saya, ela ennaakhaviherya owaniha saweeha sa elapo ya Satana ni olakelela omurumeela Yehova. Munna yoowo orino anamwane eeli oorepa: “Asitiithi ancipale annapharihela ikuru ni muhakhu muncipale yaakhaviheryaka anaaya otikitherya soolakelela saya mmikhalelo soohiyanahiyana ntoko ovuwa, mathatelo, ni mahusiheryo. Ti yamiruku omaliha ikuru ni muhakhu naakhaviheryaka aniihu otikitherya soolakelela seiho sinahaala waakhaviherya otitelela weeca ni Yehova. Ela enakhala ehime ya nihakalaliho ntokweene ohiya pahiru owoona aniihu ekhwaaniheryaka soolakelela saya soomunepani, nyenya olapa vamoha ni yaawo.” Nyuwaano munanwerya ororomela wi asitiithi yaawo anaakhaviherya anaaya otikitherya ni okhwaaniherya soolakelela saya soomunepani anneemereryiwa ni Yehova.

OLIPA MURIMA MMULOKONI

17. Mvahe yootakiherya ya oolipa murima mmuloko Weekristu.

17 Nnaphwanelatho wooniherya olipa murima mmulokoni. Ntoko yootakiherya, atokweene annachuna olipa murima vaavaa anathokororyaaya miyaha sa yoocheka etokotoko naari vaavaa anayaaya waakhaviherya yaale okumi aya ori va yawoopiha nthowa na ereca. Atokweene akina annaaxekurya oowaleliwa mukariposo wi ehuserye ni yaale arino nchuno ni ohoolela mithukumano. Hanka vooloca sa arokora ari aciye? Awo aakhalano ikari sincipale sa wooniherya olipa murima ni omurumeela Yehova. Awo ananwerya okhala piyoneero, oya weiwo oriwo othowa otokotoko, olapa mu Muteko wa Oteka wa Vanipuroni, ni ovolowa mu Exikola ya Alaleeryi a Omwene. Akina annawompwa oya e Exikola ya Kiliyati.

18. Arokora awuuluvala eni ewerye hai wooniherya olipa murima?

18 Ninnaasivela arokora ahu awuuluvala, nave ninnathamalela okhalano yaawo mmulokoni! Naamwi akina a yaawo ehiweryaka opaka sincipale ntoko yeerelaaya khalai mmuteko wa Yehova, awo ananwerya otitelela wooniherya olipa murima ni olapa. (Mwaalakhanye Tito 2:3-5.) Ntoko yootakiherya, murokora mmoha awuuluvala onamuchuneya wooniherya olipa murima wakhala wi atokweene amveka wi aloce ni murokora yoowo ori mwali vooloca sa mawarelo oophwanelela. Owo hanaphwanela omusamela murokora owo vooloca sa ikuwo owanreiye, nyenya mmukhalelo woomaaleleya, owo onahaala omukhaviherya wuupuwela vooloca sa mukhalelo soothanla sawe inaavolowelaaya akina. (1 Timóteo 2:9, 10) Vaavaa arokora  awuuluvala anooniheryaaya osivela mmikhalelo seiya, awo ananwerya olipiha muloko.

19. (1) Anna oopatisiwa eni ewerye hai okhala oolipa murima? (2) Filipi 2:13 ni 4:13 oni aakhaviherye hai anna okhala oolipa murima?

19 Anna oopatisiwa tho annachuna oolipa murima naari olapa. Vaavaa awo aniilipixeryaaya wi erumeele ntoko arummwa oorumeela ni atokweene, muloko onnaphura vancipale. (1 Timoteo 3:1, Nlakano Nahihano) Nyenya, akina annoovelela weerano yeela. Akhweya munna aahipaka yoocheka etokotoko khalai, nave oniisoona okhala oohiphwanelela okhala murummwa oorumeela naari mutokweene. Munna mukina akhweya onoona wi haanono mavyakelo oochuneya wi arumeele. Waakhanle wi munniisoona mmukhalelo yoola, Yehova onahaala wookhaviheryaani okhala oolipa murima. (Mwaalakhanye Filipi 2:13; 4:13.) Muupuwele yootakiherya ya Mose. Owotho oona wi haari oophwanelela opaka yeeyo Yehova aamurummeiye. (Mukwaha 3:11) Nyenya Yehova aahimukhaviherya okhala oolipa murima ni opaka yeeyo yaari yookhweleya. Munna opatisiwe oni awerya hai okhala oolipa murima? Owo onaphwanela ovekela wa Yehova wi amukhaviherye ni omwaalakhanya Piipiliya nihiku ti nihiku. Owo onanwerya wuupuwelela sootakiherya sa achu analociwa Mpiipiliyani yaawo yoonihenrye olipa murima. Owo mwawiiyeviha onanwerya waaveka atokweene wi emuvyakihe nave iveleele wi akhaviherye muloko mmukhalelo ori woothene. Ninnaaceenyerya anna oothene apatisiwe okhala oolipa murima ni olapa moowetha mmulokoni!

“APWIYA, MULUKU ARI . . . NI WEYANO”

20, 21. (1) Tiheeni Tavite aamuupuxenreiye Solomoni? (2) Tiheeni nnaphwanelaahu ororomela?

20 Mwene Tavite aahimuupuxerya Solomoni wi Yehova aahaala okhala ni yoowo ophiyerya omaliha oteka empa ya Muluku. (1 Matharihelo 28:20) Chiryene Solomoni aahuupuwelela mwawiiseela masu yaala, nave heemerenrye wi okhala wawe mmiravo ni ohiwerya echu omuhiiha opaka muteko. Moohiyana, aahooniherya olipa murima, nave nnikhaviheryo na Yehova, aahimaliha oteka empa ya Muluku mu iyaakha thanu napiili ni emeya.

21 Yehova aahimukhaviherya Solomoni, navetho onahaala onikhaviherya okhala oolipa murima ni okhwaaniherya muteko ahu, veemusini vahu ni mmulokoni. (Isaiya 41:10, 13) Wakhala wi ninnooniherya olipa murima vaavaa nnamurumeelaahu Yehova, nnawerya ororomela wi onahaala onikhaviherya hiihaano ni omwaahiyu. Mwawiihiiha, “olipe ni . . . opatxerye muteko.”

^ par. 12 Munahaala ophwanya sooleeliherya ikina mmukhalelo wa otikitherya soolakelela mmuteko wa Muluku mmwaha Estabeleça alvos espirituais que glorifiquem seu Criador,” onaphwanyeya mu Mulipeleli 15 a Yulyu a 2004, (a ekunya.)