Ocuphela mwaha

Ocuphela sampuwa

Anamoona a Yehova

Othanla elocelo Elomwe

Achu a ikerexa sincipale aneemererya wi munepa honakhwa

 MWAHA WA EKAAPA | TIHEENI PIIPILIYA ONALOCEIYE SA OKUMI NI OKHWA?

Mwaha Woohaleeliha

Mwaha Woohaleeliha

MOONELO wa achu vooloca sa okumi ni okhwa ti woohiyana. Akina anuupuwela wi yakhwa anahaala otitelela okhalano okumi mmukhalelo mukina naari mu nipuro nikina. Akina anuupuwela wi yakhwa anahaala oyariwa wanaawiili mu nipuro nikina. Navetho akina anoona wi okhwa makuchuwelo a ichu soothene.

Akhweya nyuwaano mookhalano moonelo anyu vooloca sa mwaha yoola, mwawiiwanana ni nipuro muyariwaanyuwo naari sookhovelela sanyu. Woona wi moonelo vooloca sa mwaha yoola ti woohiyana, vano taani naari ti woowi nnahaalaahu ophwanya naakhulo noororomeleya vooloca sa mwaha yoola?

Mu iyaakha sincipale, asitokweene a ikerexa annahusiha wi muchu akhwa yookhala enatitelela okhalano ekumi. Achu a malapelo mancipale ntoko​—a Intu, Ayuta, Amaka ni akina​—anneemererya wi yookhala ehinakhwa vaavaa nnakhwaahu, wi echu eyo ennatitelela okhala nave ennaya weiwo minepa inakhalaayawo. Vooloca sa Aputista, awo aneemererya wi muchu akhwa owo onnayariwa wanaawiili mu ikwaha sincipale ophiyerya ophwanya okumi wa murecele yoowo awo aniichanaaya ntoko Nirvana.

Nthowa na mahusiheryo yaala, achu ancipale mu elapo yoothene aneemererya wi okhwa onneeriha wi muchu akhaleno ekari ya okhala mu elapo ekina. Wa achu ancipale, okhwa makupa oochuneya mu okumi aya, nave awo anoona wi yookhwela ya Muluku. Nyenya tiheeni Piipiliya onahusiheiye vooloca sa mwaha yoola? Ninnoovekaani wi mwaalakhanye mwaha onacharela wi mphwannye naakhulo na nikoho nenla.