Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

Taani Aneera Yookhwela Ya Yehova Olelo?

Nyuwaano Munahaala Weerano Yookhwela ya Yehova?

Nyuwaano Munahaala Weerano Yookhwela ya Yehova?

Ninnoothamalelani omaliha elukuluku anyu muthokororyaka eproxura ela wi mwaataane ni Anamoona a Yehova ntoko achu a Muluku, osuwela miteko sahu, ni woona marehereryo ahu ophara waya muteko. Nnaweherya wi ela ehookhaviheryaani onisuwela ntoko yaale aneerano yookhwela ya Yehova olelo. Ninnoocenyeryaani wi mutitelele waavya nsuweliho na Muluku, ni waaleela tho amusi anyu, ni asinthamwene vooloca sa ichu munahuseryaanyu, ni othukumana moohihiyererya ni hiyaano mmithukumano Seekiristu.Ahepri 10:23-25.

Munahaala wiiwexexa wi vaavaa munatitelelaanyu ohuserya vooloca sa Yehova, munahaala woona osivela wa Yehova ntakhara nyuwo. Voocharela vaya munahaala okuxeya murima wi mweereno soothene munaweryanyu wi mooniherye osivela wanyu wa yoowo. (1 Yohane 4:8-10, 19) Munii mooniherya hai yoochuna eyo mu nihiku nnihiku na okumi anyu? Ntakhara heeni ti waphaama wiiwelela malakiheryo awe? Tiheeni enahaala wookhaviheryaani ochuna weerano yookhwela ya Muluku vamoha ni hiyaano? Muhusiha anyu a Piipiliya onamuhakalala mu owooniheryaani maakhulo wi nyuwo ni emusi anyu “mwikhapelele mkhatinyu musivela wa Muluku . . . ophiyerya okumi wohimala.”—Yuda 1:21.

Hiyaano ninnoowopani wi mutitelele oya vahoolo mu mphiro wa eparipari moorweela wa omuhuserya liivuru ola . . .