Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

What Does God Require of Us?

Yohuserya 16

Yothanlanyu Ya Omurumela Muluku

Yothanlanyu Ya Omurumela Muluku
  • Tisheni munaphwanelanyu wera wii mwatane ni Muluku? (12)
  • Oveleliwa okumi wa Muluku oniwa hanno? (1)
  • Elukuluku tani munaphwanelanyu obatisiwa? (2)
  • Muninwerye hai ophwanya ikuru sawikhalelaru ni Muluku? (3)

1 Mwariki mwatane ni Muluku, onatchuneya wii musuwelesha phama eparipari ya Biblia (1 Timoteo 2:3, 4), munaroromela itchu muhusenryanyu (Ahebri 11:6), mutcharuwe sotcheka (Saweriwa Tarummwa 17:30, 31), nave mutoroke makhalelo anyu opacherya. (Saweriwa Tarummwa 3:19) Vanonto omutchuna wanyu Muluku oweriheni wii mwivelele mwa yowo. Ela enataphulela wii munivekeloni mwanyu, wiphini, mmulele mekhinyu wii munnivelela wa yowo wii mwerekeno yokhwelaawe.—Mateyu 16:24; 22:37.

2 Vano mwivelela wa Muluku, onatchuneya mbatisiwe. (Mateyu 28:19, 20) Obatiso onerela onamona atchu awi mohivelela wa Yehova. Nthowa nayela, obatiso tiwasiitokwene anawerya opaka yothanla yomulapa Muluku. Mutchu abatisiwaka, mwiliawe wothene onampwinihiwa nmahini elukuluku yavakhani.*—Marko 1:9, 10; Saweriwa Tarummwa 8:36.

3 Vanonto mmale wivelela, Yehova onaweherya wii mwechiheke okumi anyu mwawiwanana ni malakano anyu. (Masalmo 50:14; Eklesiasti 5:4, 5) Musaserya oni anamwasyasya wii ohiheni omulapa Yehova. (1 Petro 5:8) Munakhala vakhiviru ni vakhiviru ni Muluku munivekeloni. (Afilipi 4:6, 7) Muhuseryeke Masu awe mahiku othene. (Masalmo 1:1-3) Mwikhalele vamoha ni muloko. (Ahebri 13:17) Mwerano sothene hiho, munamukhalano ikuru sokhweleya muwikhalela ororomeleya wa Muluku. Mwerano hiha munanwerya werano elukuluku yothene etchu Muluku onatchuneiye va nyuwano!

Mano munnatchuna olelihiwa mwawachereryeya? Murepele wa Anamona a Yehova mwa emoha ya ma endereço ala ari vathi va.Yolakiherya


* Mwiryeheryelaka obatiso, onnavaheryeriwa wii mmuhuserye Conhecimento Que Conduz à Vida Eterna nari livro mukina ntoko yola, olaleiwe ni Watch Tower Bible and Tract Society.