Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

What Does God Require of Us?

Yohuserya 10

Sawera Inamunanara Muluku

Sawera Inamunanara Muluku
  • Munapwanela munona mwawi hai itchu Muluku oriye omunanara? (1)
  • Okonihana wamota tani ori wonanara? (2)
  • Mukristu onaphwanelela oneke mwawi hai wotha? (3), othata wanrima? (3), wiya? (3), ohoshana? (4), onamulosiwe? (5) ni ohapaliwa? (6)
  • Onawereya hai witaphula mu sawera sene hiha? (7)

1 Akapuro a Muluku anasivela yeyo eri yaphama. Vanotho onatchuneya ohuserya wichana niyonanara. (Masalmo 97:10) Ela enataphulela osepa sawera inamunanara Muluku. Sikina sa sawera sene hiha tisheni?

2 Ochapaheya: Okonihana muhithelanne, oraruwa, wakoniha ashinama, omukoniha muhima, okonihana ni ophwanaphwana mwikho sotesene iha tisotcheka itokotoko vamithoni va Muluku. (Levitiko 18:6; Aroma 1:26, 27; 1 Akorinto 6:9, 10) Atchu eli yahithelana, ekhalaka vamoha onatchuneya omwalamwala nari yathelihiwe opoma.—Ahebri 13:4.

Muluku omunanara ohapaliwa, wiya, othata wanrima ni itchu sohoshanano

3 Wotha, Othata Wanrima, Wiya: Yehova Muluku hanawerya wotha. (Tito 1:2) Yawo anatchuna wakheliwa tiyowo onatchuneya esepe wotha. (Proverpio 6:16-19; Akolose 3:9, 10) Mukhalelo wothene wa othata wanrima ori woripihiwa ni nrima. Mwawi hiha aKristu hanavolowela yothatano ya nrima, ntoko ilotariya, otchimaka nakavalo ni ebingo. (Aefeso 5:3-5) Akristu haniya. Hanathuma etchu esuwelaka wi tiyawiyiwa, hanakusha etchu ehivahiwe.—Eksodo 20:15; Aefeso 4:28.

4 Onanariwasha, Ohosha: Esara yohihiha oruha ohoshana. (Genesis 4:5-8) Ohosha hanawerya okhala nthamwene a Muluku. (Masalmo 11:5; Proverpio 22:24, 25) Tiyonanara wunla ekuhu nari okokiha yonanara mwawakakhanya ni yonanara va hiho akina akweya aneraya.—Proverpio 24:29; Aroma 12:17-21.

5 Okhwiri ni Olosiwa: Akina anaveka ikuru sa minepa wi eweryeke openusha irecha. Akina annarihela amwichani aya okhwiri wi yalowe yicheliweke nari wi ekhwe. Onavaha ikuru itchuhene hiha ti Satana. Vanthowa na yela aKristu ehikhalenoruvo etchu ni hiho. (Detronomiu 18:9-13) Okhala vakhiviru ni Yehova yawakiherya yaphama wa hiyano akhweya voriheliwa okhwiri takina.—Proverpio 18:10.

6 Ohapaliwa: Tahi yonanara owurya vakhani evinyo, sereveja nari yowurya yohapala ekina ya alikole. (Masalmo 104:15; 1 Timoteo 5:23) Wacherya owurya ni ohapaliwa tisonanara vamithoni va Muluku. (1 Akorinto 5:11-13; 1 Timoteo 3:8) Owurya wawacherya onnapahula okumi ni okawanya etchoko. Navetho mutchu hanawerya wihiha saweha sarwaka.—Proverpio 23:20, 21, 29-35.

7 Yawo anerano itchu Muluku oloncheiye wi tisonanara “herwa-evolowa Omwene wa Muluku”. (Agalitiya 5:19-21) Nyu tchiri Muluku awosivelakani munatchuna omuhakalaliha, munahala owerya wisakiha mwitchu sawi hiha. (1 Yohane 5:3) Muhuserye wichana ni yeyo Muluku oriye tiyonanara. (Aroma 12:9) Mwecheke natchu arinono makhalelo aphama. (Proverpio 13:20) Asinthamwene amwekristuni, osuwela phama, ananwerya wokhaviheryani. (Yakobo 5:14) Mopwahasha, muroromeleke okhaviheriwaka ti Muluku, nvekaka munivekeloni.—Afilipi 4:6, 7, 13.