Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

What Does God Require of Us?

Yohuserya 11

Itchu Inaroromeliwa Ni Mihapo Hiho Ihinamuhakalaliha Muluku

Itchu Inaroromeliwa Ni Mihapo Hiho Ihinamuhakalaliha Muluku
  • Itchu tani inaroromeliwa ni mihapo iri sonanara? (1)
  • Onnaphwanelela akristu ororomela wi ori Muluku mmoha Mmakhalelo Mararu? (2)
  • Ntakhara sheni akristu eparipari ahinamupuwelelaya Natale, Paska amutano, nari muyakha wa oyariwa? (34)
  • Annawerya atchu ookhwa owerela yonanara akumi? (5)
  • Yesu akhwile vamwikimanyo? (6)
  • Ori wokhweleyasha omuhakalaliha Muluku? (7)

Muluku hari mmoha Mmakhalelo Mararu

1 Tahiyene itchu inaroromeliwa ni mihapo sothene tisonanara. Muluku ohinemererya sarwelaka mmamulapelo atheru nari sakhala sohiyana ni mahusiheryo a Biblia.—Mateyu 15:6, NM.

2 Makhalelo Mararu: Yehova ori Makhalelo Mararu—atchu araru Muluku mmoha? Hoe! Yehova, Atithi, ori “Muluku mmoharu eparipari”. (Yohane 17:3, NM; Marko 12:29, NM) Yesu Mwanawe opacherya oyariwa owotho onamwiwelela Muluku. (1 Akorinto 11:3) Atithi ori mutokotoko ompwaha Mwana. (Yohane 14:28) Munepa wawela tahi mutchu; owo ikuru sophara muteko wa Muluku.—Genesis 1:2; Saweriwa Tarummwa 2:18.

Natale ni Paska amutano anarwela mmamulapelo akhalai atheru
Hinavo nthowa nimoharu nawalapela atchu okhwa nari nowovela

3 Natale Ni Paska: Yesu hayariwe va 25 a Tesempro. Owo ayariwe mpuwa mwa nihiku nopacherya na Oitupro, elukuluku ya muyakha yeyo akukhula yahiyaya sokukhula saya vanlakanivene, ohiyu. (Luka 2:8-12) Yesu hatonko olamulela wi akristu yupuweleleke oyariwa wawe. Mohiyana, alamulenle wi yupuweleleke nari wi yupuweleke okhwa wawe. (Luka 22:19, 20) Natale ni mihapo sawe inarwela mmamulapelo akhalai atheru. Inamulikanatho ni mihapo samutano ineriwa Paska, ntoko iha mereliwayano moche nanamarokolo. Akristu opachererya hiyamupuwelela nari Natale nari Paska yola amutano, nari tontoru hanerano mahiku yala akristu eparipari.

4 Wupuwelela Mahiku A Oyariwa: Mahiku meliru awupuwelela oyariwa alochiwe Mbibliani tahi atchu yamulapa Yehova. (Genesis 40:20-22; Marko 6:21, 22, 24-27) Akristu opachererya hiyupuwelela mahiku a oyariwa. Mihapo hawupuwelela oyariwa ipachenrye mmamulapelo akhalai atheru. Akristu eparipari annavaha yovaha yochichimiheryano nave annatchekula vamoha nakina mwilukuluku sikina sa muyakha.

5 Owova Alipa Okhwa: Atchu okhwa hanawerya wera nari wona wichela. Haniwerya wakhaviherya, nari awo hanawerya onerela yonanara. (Masalmo 146:4; Eklesiasti 9:5, 10) Okumi onnakhwa; wakhwa honakhalano okumi. (Ezekieli 18:4) Vanotho wiliwili ankelo onanara, aneriwa masololo, annisoneiha ntoko minepa ya atchu akhwile. Mihapo irinono makhalelo owova nari walapa atchu okhwa tisonanara.—Yesaya 8:19.

6 Mwikimanyo: Yesu hakhwile va mwikimanyo. Owo akhwile va mwirini wawemeshiwa, nari nere wothipeliwa. Masu egrego, mwa aBiblia anchipale ataphuleliwe wi “mwikimanyo”, anaha pahi mwiri onipheliwavo. Eneneryo ya mwikimanyo enarwela mmamulapelo akhalai atheru. Akristu opacherya hiyawara nari olapa mwikimanyo. Vawi hiha, nyuwano munona wi tiwophwanelela olapano mwikimanyo mmamulapelo?—Detronomiu 7:26; 1 Akorinto 10:14.

7 Akhweya onatepa owalamela ohiya hiho inaroromeliwa ni mihapo. Ahima ni asinthamwene akhweya eni enamwasyasya sawohihanno otoroka nroromelo nanyu. Nkonani wi omuhakalaliha Muluku ori wophwanelela opwaha wahakalaliha atchu.—Proverpio 29:25; Mateyu 10:36, 37.