Ocuphela mwaha

Ocuphela menu anaawiili

Anamoona a Yehova

Elomwe

Alipa ookhwa anamukookela okhala akumi chiryene?

Alipa ookhwa anamukookela okhala akumi chiryene?

Mwaahaala wi . . . 

  • aai?

  • hooye?

  • akhweya?

 PIIPILIYA ONI

“Aphama ni ònanara murima, ananvinya mokhwani.”Saweriwa T’arummwa 24:15.

EYO ENATAPHULELA EHEENI WA NYUWO

Ohakararya vaavaa anakhwaaya oosiveliwa.2 Korinto 1:3, 4.

Otaphuwa wa woova okhwa.Ahebri 2:15.

Ewehereryo yeeparipari ya okumana ni oosiveliwa anyu okhwile.Yohani 5:28, 29.

 HIYAANO NNAPHWANELA WEEMERERYA CHIRYENE YEEYO PIIPILIYA ONALOCEIYE?

Aai, moone mathowa mararu:

  • Muluku ti Mpatuxa a okumi. Piipiliya onaloca wi Yehova Muluku “nàtxutxu a ekumi.” (Salumu 36:10; Saweriwa T’arummwa 17:24, 25) Muluku yoowo ovanhe okumi soopatuxiwa soothene chiryene onnawerya okookiherya okumi wa muchu okhwile.

  • Khalai Muluku aahaaviiha achu muukhwani. Piipiliya onnaloca saweereya thanu nararu sa achu—amiravo, awunnuwela, alopwana ni athiyana—yaawo yaakookenle okhala akumi veelaponi ya vathi. Akina hiyaalekenle mukhaani, nyenya mmoha aahikhala mmahiyeni mahiku masese!Yohani 11:39-44.

  • Muluku onnachuna weerano eyo wanawiili. Yehova onniica okhwa; owo onoona okhwa ntoko mwiicani. (1 Korinto 15:26) Muluku onnachuna omvootha mwiicani owo, onnachuna omaliha okhwa moorweela wa ovinya muukhwani. Muluku onnachuna waaruuha yaale ari mmuupuweloni mwawe nave onnachuna owoona awo ekhalaka wanawiili veelaponi ya vathi.Yobi 14:14, 15.

 WI MUUPUWELE

Ntakhara heeni nnuuluvalaahu ni okhwa?

Piipiliya onnaakhula nikoho nenla mu MAPHATXUWELO 3:17-19 ni AROMA 5:12.