Ocuphela mwaha

Ocuphela menu anaawiili

Anamoona a Yehova

Elomwe

Omwene wa Muluku Tiheeni?

Omwene wa Muluku Tiheeni?

Munahaala wi . . . 

  • echu eri mmurima mwanyu?

  • niphwanaphwaniho?

  • olamulelo wa wirimu?

 PIIPILIYA ONI

“Muluku a wirimu onamoneiha omwene wohiweryeyaru omwaryiwa.”Daniyeli 2:44.

“Novahiwa mwana! Vetxhuri vawe wokhalavo omwene.”Isaiya 9:5.

EYO ENATAPHULELA EHEENI WA NYUWO

  • Omwene weekhaikhai onawerya wooruhelaani mphurelo mukhatinyu.—Isaiya 48:7, 18.

  • Okumi woophaameya ni woohakalala mu elapo evyaani enoorwa.Wupulula 21:3, 4.

HIYAANO NNAPHWANELA WEEMERERYA CHIRYENE YEEYO PIIPILIYA ONALOCEIYE?

Aai, moone mathowa meeli:

  • Yesu ohooneyiha yeeyo omwene wa Muluku onahaalaya waakhwaniherya. Yesu aahaahusiha oohuserya awe ovekela wi Omwene wa Muluku orwe ni yoochuna awe yeereye veelapo yavathi. (Mateu 6:9, 10) Yesu aahooniherya mukhalelo nivekelo nlo nnahaalaaya waakhuliwa.

    Vaavaa aareiye va elapo yavathi, Yesu aahilyiha oovoliwa, aahaapenuxa areca, nave aahaaviiha alipa ookhwa! (Mateu 15:29-38; Yohani 11:38-44) Ntoko Mwene oomwaahiyu a Omwene wa Muluku, Yesu aavaha yawooniherya yaphaama ya yeeyo Omwene onahaalaya oweerela anamurala aya.Wupulula 11:15.

  • Makhalelo eelapo annooniherya wi Omwene wa Muluku onahaala orwa moohilekela. Yesu aaloherya wi Omwene ohaakumve oruha murecele va elapo yavathi, elapo yaahaala osareya ikhoco, etala, ni mwaacikinye.Mateu 24:3, 7.

    Ninnoona makhalelo yaala oothene olelo. Mwawiihiiha, ninnaroromela wi Omwene wa Muluku onahaala omaliha makacamiho oothene.

WI MUUPUWELE

Okumi onahaala okhala hai vathi va olamulelo wa Omwene wa Muluku?

Piipiliya onnaakhula nikoho nenla mu SALUMU 37:29 ni ISAIYA 65:21-23.