Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

Ohuserye Miyaha sa Piipiliya

 MWAHA 48

Eliya Onnamviiha Mwaana a Naamukhwele

Eliya Onnamviiha Mwaana a Naamukhwele

Variyari va elimwi, Yehova aaloca ni Eliya: ‘Hawe o Sarepta. Koomuruma naamukhwele wi oovaheke yoolya.’ Ari oxerexere wa epooma, Eliya aamoona naamukhwele aavyaka ikhuuni. Eliya aamveka maahi. Naamukhwele ayaaka orika, Eliya aamwiichana: ‘Ruuha tho nipatuxo na ephaawu.’ Nyenya naamukhwele aamwaakhula: ‘Miyaano nkaanonoru ephaawu! Kirino pahi ephepa vakhaani ni makhurwa vakhaani wa miyo ni mwanaka.’ Eliya aamuleela: ‘Pwiya Muluku ooloca ariki: Mweepiyani mmo hemalamoru ephepa, nave mweechupani hemalamoru makhurwa ophiyerya omala wa elimwi.’

Naamukhwele aavolowa mpa mwawe nave aapaka yoolya wi amvahe Eliya. Ntoko Yehova aaroromelinheiye, naamukhwele ni mwaana awe yaakhalano yoolya elukuluku ya elimwi. Mweepiyani mwawe hiyaamalamo ephepa ni makhurwa.

Voocharela yaaheereya echu yoothananiha. Mwaana anaamukhwele aahiiceliwa ophiyerya okhwa. Naamukhwele aaveka nikhaviheryo wa Eliya. Eliya aamukuxa mwaana amukeriha mpa mwawe. Owo aamukuha vaniphaani aapacerya  ovekela: ‘Pwiya Muluku aka mweere wi mwaana ola ahuhumuwe.’ Weyaano woosuwela ntakhara heeni echu yeeyo Yehova aahaaleiye weera yaaya okhala yootikhiniha? Nthowa nawi Yehova iiso ahaakumve omviiha muchu elukuluku yeeyo. Naamukhwele ni mwanawe hiyaari Aisarayeli.

Mwaana aavinya apacerya omumula! Eliya aawiichana amannya: ‘Omoone mwaana, ookhala!’ Naamukhwele aatepa ohakalala ophiyerya oloca wa Eliya ariki: ‘Vano koosuwela wi mwa muchu a Muluku, nave wi Apwiya analoca ni eyano anyu.’

“Woneni anakhuku, awo hanala, nari hanahepha, hano nikhupi nari empa ekina wokhapelelavo; nto Muluku onnàlyiha. Vano nyuwo mòtepa opwaha ipalame.”​—Luka 12:24