Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

Ohuserye Miyaha sa Piipiliya

 MWAHA 7

Empa Yoorekama ya Papeli

Empa Yoorekama ya Papeli

Emanle Maahi Mancipale, anamwane a Nowa ni asaaraya yaakhalano anamwane. Emusi yaanaaca, nave yaanasareya veelaponi, ntoko Yehova aaleenleiye.

Nyenya achu akina hiyaamwiiwelela Yehova. Awo yaaloca: ‘Haya nteke epooma nikhalekemo. Nteke tho muconco ophiyerya wirimu. Hiiha nnamukhala oovuwa.’

Yehova haasiveliweno yeeyo achu yeeraaya, nave aalakelela waahiiha. Onnasuwela tiheeni enreiye? Owo  aaheeriha wi achu enaloca ilocelo soohiyana hiyana. Nthowa na yeeyo awo hiyiiwanana mukina ni mukhwaawe, nave yaahiya oteka. Muceche owo oniichaniwa Papeli, enataphulela “Nivutukanyo.” Achu yaamwalamwala nave enakhala makupa oohiyana hiyana a elapo. Nyenya yaatitelela weera ichu soonanara wiiwo yaakhalaayawo. Apwanne yaakhalawo yaamusivela Yehova? Nnahaala woona mmwaha onacharela.

“Yole onisunnuwiha, onamuyevihiwa; ni yole oniyeviha, onamunnuwihiwa.”​—Luka 18:14