Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

Ohuserye Miyaha sa Piipiliya

 MWAHA 13

Yakopo ni Esawu Annaataana

Yakopo ni Esawu Annaataana

Yehova aamulaiherya Yakopo wi aahaala omukhaviherya ntoko aamukhavihenreiye Aparahamu ni Isaki. Yakopo akhala o Harani, weiwo aathela nave aakhalano emusi etokweene, ni muhakhu muncipale.

Yehova aaloca ni Yakopo ariki: ‘Okookele elapo ya atiithi aa.’ Vano Yakopo vamoha ni emusi awe yaapaka mukwaha mutokweene. Yakopo aakumana ni achu akina nave yaaloca ni yoowo: ‘Esawu onnothikirerya nave ookhalano alopwana 400!’ Yakopo anamoova Esawu wi ahaala omuhooxa ni emusi awe. Owo aamveka Yehova ariki: ‘Mukivuluxe mmatatani mwa Esawu.’ Mmeeloni mwaya Yakopo aarumiha yoovaha wa Esawu: ipucepuche, ipuri, imope, akamelu ni apuuru.

Ohiyu Yakopo ari mukhateiye, aamoona munkeelo! Munkeelo owo aanawanano. Awo yaawana ophiyerya wooxixelo. Naamwi Yakopo eeteten’ye haamuhin’ye. Munkeelo aaloca: ‘Kihiye kipwaheke.’ Nyenya Yakopo aamwaakhula: ‘Nkinoohiya wi opwahe ohipacenrye okireeliha.’

Voocharela Munkeelo aamureeliha Yakopo. Vanonto Yakopo aaroromela wi Yehova ahaala omwaakiha wa Esawu.

Wooxixelo ene, Yakopo aamoona Esawu ari ocai ni alopwana 400. Yakopo aavirela emusi awe nave aakokhora wa munna awe ikwaha thanu napiili. Esawu aaya wa Yakopo nave aamukhupaarela. Ala yaahinla nave yahaataana mukina ni mukhwaawe. Yehova onne hai yaweereya ya Yakopo mphironi?

Voocharela, aakookela owannyawe nave Yakopo aapwaha. Anamwane a Yakopo yaari 12. Masina aya ti ala: Rupeni, Simiyone, Levi, Yuta, Tani,  Nafetali, Kati, Aseri, Isakari, Sepuloni, Yosefe, ni Peniyamini. Mwaana mmoha—Yosefe—aaphariheliwa ni Yehova wi aavuluxe achu. Onnasuwela yeeren’ye hai? Hanko noone.

“Mwakhweleke amwitxana anyu, ni mwavekeleleke yale anawikarani. Hiha munarwa mukhala ana a Atiithinyu awirimu.”​—Mateu 5:44, 45