Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

Ohuserye Miyaha sa Piipiliya

Mapaceryiho a Nikupa 3

Mapaceryiho a Nikupa 3

Sivinre iyaakha emanle maahi mancipale, yaarivo achu vakhaani yaamurumeela Yehova. Mmoha a yaawo ti Aparahamu yoowo aari nthamwene a Yehova. Ntakhara heeni aahiichaniwa nthamwene a Yehova? Mwaari tiithi, mmukhaviherye mwaninyu wiiwexexa wi Yehova onnamuthokororya nave tho onnachuna omukhaviherya. Moolikana ni Aparahamu, Loti ni Yakopo hiyaano nnanwerya tho omveka Yehova nikhaviheryo. Nnaphwanela ororomela wi Yehova onahaala waakhwaniha malakano oothene opankeiye.

MU NIKUPA NENLA

MWAHA 7

Empa Yoorekama ya Papeli

Achu yaalakelela oteka empa yeeyo yaahaala ophiya wirimu. Ntakhara heeni Muluku aaheeriha wi eloceke ilocelo soohiyana?

MWAHA 8

Aparahamu ni Sara Yaanamwiiwelela Muluku

Ntakhara heeni Aparahamu ni Sara yaatoroka mukhalelo wa okumi mu epooma wi ekhaleke o Kanani?

MWAHA 9

Aparahamu ni Sara Annakhalano Mwaana!

Muluku aahaala waakhwaniha hai nlakano nawe ni Aparahamu? Mwaana taani a Aparahamu aahaala waakhwaniha nlakano—Isaki naari Isimayeli?

MWAHA 10

Mwaara a Loti

Muluku aaheeriha wi mooro ni enxofre simorele o Sotoma ni Komora. Ntakhara heeni ipooma iha saatoloxiwa? Ntakhara heeni ninnaphwanela omuupuwela mwaara a Loti?

MWAHA 11

Weereryiwa wa Aparahamu

Muluku aaloca wa Aparahamu: ‘Omukuse mwaana aa Isaki, yoowo weyaano onatepaawe omukhwela nave oye elapo ya Moriya.’ Aparahamu aahaala ovootha hai weereryiwa yoola wa nroromelo?

MWAHA 12

Oreelihiwa wa Yakopo

Isaki ni Repeka annayara anamwane a maphapo Esawu ni Yakopo. Woona wi Esawu aari mwaana oopacerya, owo aakhalano ekari ya orelihiwa. Ntakhara heeni aatumiha otokweene ni nruru na ikhuce?

MWAHA 13

Yakopo ni Esawu Annaataana

Ti mwawiihai Yakopo aakhenleiye mareliho oorwela wa munkeelo? Nave aatanne hai ni Esawu?