Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

Ohuserye Miyaha sa Piipiliya

 MWAHA 97

Korneliyu Onnaakhela Munepa Waweela

Korneliyu Onnaakhela Munepa Waweela

O Kaisareya aakhalawo mutokweene a anakhoco iichaniwa Korneliyu. Naamwi ahaari Muyuta, Ayuta yaanamucicimiha. Owo aanaakhaviherya alipa oohaawa. Korneliyu aanamuroromela Yehova nave aanamvekela mahiku oothene. Nihiku nikina, munkeelo arwa wa yoowo alocano ariki: ‘Mavekelo ni soovaha sa soophiya wa Muluku. Vano waarume achu o Yopi wi emwiichane Petro.’ Mwawaakuveya, Korneliyu aahaaruma alopwana araru oya o Yopi mukwaha wa mastatiya 30 eyaaka omoko.

Vaavaa aareiye o Yopi, Petro aahoonihiwa yawoona. Aawoona axinama yaawo Ayuta yaheemereryiwaaya waakhuura, nave aahiiwa nsu nimuleelaka wi aakhuure axinama awo. Petro aakhooca ariki: ‘Miyo nkinaweryaru mano ntakhara nkintonko okhuura enama yapure.’ Nsu naamuleela: ‘Ohoone okhala ya mwiikho yeeyo Muluku eelinheiye.’ Petro aaleeliwa tho: ‘Owoone achu awo araru anawaavya. Vinya ochaananeno.’ Petro aaya va mukhora nave aahaakoha alopwana echu yaarwenlaaya. Awo yaamwaakhula: ‘Mutokweene a akhoco Korneliyu tonirumme orwa. Owo ohaakhela muchaka wa munkeelo wi  oye owannyawe wi aakhele mahusiho aa.’ Petro aahaawopa wi ehaye owannyawe. Mmeeloni mwaya, owo aaya o Kaisareya vamoha ni anna akina o Yopi.

Vaavaa Korneliyu aamonneiye Petro, aakokhora. Nto Petro aahi: ‘Ovinye ntakhara miyaano tho ka muchu! Muluku ookiruma orwa vaate vanyu naamwi Ayuta ehithukumanaka vamoha ni Amalapo. Vano mukileele nthowa mukiichanenlaanyu.’

Korneliyu aahi wa Petro: ‘Oraaci kivekelaka mpa mwaka, aahooneya vamiithoni vaka muchu mmoha aawanre sawaarya. Owo aakiruma wi kiwiichane. Vano onihusihe masu a Yehova.’ Petro aamwaakhula: ‘Vano koosuwela wi Muluku haano nthalu ni achu. Nto muchu oothene a ilapo soothene onamoova ni onaphara muteko awe, onnamusiveliha Muluku.’ Petro aahaahusiha ichu sincipale vooloca sa Yesu. Voocharela munepa waweela waamukhuruwela Korneliyu ni oothene yaale yaari ni yoowo nave yaapatisiwa.

“Mutxhu othene a ilapo ti ilapo onamova ni onaphara miteko sawokolola, onnamusiveliha Muluku.”​—Saweriwa T’arummwa 10:35