Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

Ohuserye Miyaha sa Piipiliya

 MWAHA 71

Yehova Aamwaakiha Yesu

Yehova Aamwaakiha Yesu

Makupa a omoko wa Yerusalemu yaakhalawo alopwana yaawo yaalakhanya itheneeri. Ohiyu omoha, alopwana awo yaahoona etheneeri ya waarya yeecaka wirimu, nave yaapacerya ochara ophiyerya o Yerusalemu. Alopwana awo yaapacerya waakoha achu eriki: ‘Ori woowi mwene a Ayuta oyariwe hiihaano? Noorwa wi nimweepese.’

Vaavaa Herote mwene o Yerusalemu iiwaleiye wi ooyariwa mwene, owo aananariwa vatokovene. Aahaakoha anamukucho: ‘Mwene owo oyariwe woowi?’ awo yaamuleela: ‘O Petelehemu woona wi mulipa a miririmu aaloca.’ Herote aawiichana alipa a waalakhanya itheneeri nave aahi: ‘Haweni mukohe phaama sa mwaana yoowo. Mwamphwanyawo, mukileele wi miyaano tho kimuthamale.’ Nto owo aamootha.

Etheneeri eyo yaakookela weeca. Alopwana awo yaachara ophiyerya o Petelehemu. Etheneeri yaaheemela vasulu va empa nave vaavaa alopwana awo yaavolonwaaya yaamphwanya Yesu ni amannya Mariya. Awo yaamukokhorela mwaana owo nave yamvaha ikhorowa, manlela a munyawa ni makhurwa. Apwanne ti Yehova yoowo aarumme alopwana ala wa Yesu? Hooye.

Ohiyu yoole, Yehova aamuleela Yosefe moolohani ariki: ‘Vinya omukuxe mwaana ni amannya ni ochawele o Yikuputu.’ Mwawaakuveya, Yosefe ni emusi awe yaaya o Yikuputu.

Yehova aahaaleela tho alopwana ale wi ehikookele wa Herote. Vaavaa Herote onneiye wi heki ekooke, aatepa onyeenyeya. Woona wi haki amphwanye Yesu, owo aalamula wi anamwane akhaani o Petelehemu yiiphiwe. Nto Yesu iiso ari ocai.

Ohoolo waya, Herote aakhwa. Yehova aamuleela Yosefe ariki: ‘Vinya, okookele o elapo ya Isarayeli.’  Yosefe, Mariya ni Yesu yaakookela o Yerusalemu, nave yaateka empa aya o epooma ya Nasareti.

“Masu anakhuma mwano mwaka: hanatxhikela mwa miyano ehenre etxhu.”​—Isaiya 55:11