Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

Ohuserye Miyaha sa Piipiliya

 MWAHA 70

Ankeelo Annalokoha Oyariwa wa Yesu

Ankeelo Annalokoha Oyariwa wa Yesu

Sesar Akustu yoowo aari mulamuleli o Roma, aalamula wi Ayuta oothene ekookele ilapo saya wi erepeliwe. Mwa yeeyo, Yosefe ni Mariya yaaya o Petelehemu weiwo emusi ya Yosefe yaakhalaayawo. Yiiso yaacamenle elukuluku wi Mariya ayare.

Yaaphiyalaaya o Petelehemu, nipuro naahanle ohikhaliwemo waari mu nikhola. Ti mwemmo Yesu aayariweiyemo. Mariya aamuhuruwela ni soowara nave aamukuha voolyelavo imope.

Okhwipi wa epooma ya Petelehemu, yaakhalawo akukhula yaawo yakukhula inama saya ohiyu. Mootutuxa, aarwa munkeelo nave akukhula yaasareya waarya wa Munkeelo. Akukhula awo yaatuthuwa, nnya munkeelo aahi: ‘Muhoove kinooruhelaani muchaka mutokotoko woohakalaliha. Ooyariwa olelo mvuluxa ori Kristu.’ Mweelukuluku yeeyo yaahooneya ankeelo ancipale wirimu, nave yaahi: ‘Ovuwa wa  Muluku osulu, murecele vathi wa achu ooreera murima.’ Voocharela ankeelo yaacakanela. Tiheeni akukhula yenraaya?

Akukhula yaaloca mukina ni mukhwaawe: ‘Hankooni n’ye o Petelehemu wi noone echu ephachunwewo.’ Yaayawo mwawaakuveya nave yamphwanya Yosefe, Mariya ni mwanaya eri mu nikholani.

Achu oothene yaale yaaleeliwe yeeyo ankeelo yaaloncaaya, yaanatikhina. Mariya aahuupuwelela phaama masu a munkeelo nave haacuwanle. Akukhula yaakookela mihuwo saya emuthamalaka Yehova wa ichu yiiwalaaya ni yonnaaya.

“Kivinnye wa Muluku ni kirwa wa yowo. Nkirwile mekhaka, nto ti yole okirumme.”​—Yohani 8:42