Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

Ohuserye Miyaha sa Piipiliya

 MWAHA 69

Munkeelo Kapriyele Onnaloca ni Mariya

Munkeelo Kapriyele Onnaloca ni Mariya

Elisapeti aakhalano mmusi nsina nawe Mariya yoowo aakhala o Nasareti muceche wa Kalileya. Mariya aahaakameliwa ti Yosefe, yoowo aari karpintero. Vaavaa Elisapeti aareiyeno erukulu ya miyeeri mithanu nammoha, munkeelo Kapriyele aamphiyerya Mariya. Munkeelo aahi: ‘Hakalala weyaano oosareya mahala, Apwiya ari ni weyaano.’ Mariya hiiwexenxe yootaphulela ya masu ala. Munkeelo aamuleela ariki: ‘Onahaala orupala ni onammuyara mwaana oneeraawe omuchuwe ni nsina na Yesu. Owo onahaala olamulelaka, ni Omwene awe horwa omala.’

Mariya aakoha: ‘Echu ene yeeyo eni yeereye hai?’ Munkeelo aamwaakhula: ‘Munepa waweela toni wookhuruwele nave onammuyara mwaana. Elisapeti murokora aa oorupala. Ntakhara hiyaavo enawerya omvila Muluku.’ Mariya aahi: ‘Miyo  ka kapuro a Yehova. Yeereye ni mi ntoko muloncaanyu.’

Mariya aaya omuxekurya Elisapeti. Vaavaa Mariya aalonceiye, Elisapeti aahoona wi mwaana mmirimani mwawe aanacupha. Asaren’ye munepa waweela, owo aahi: ‘Ooreelihiwa ti weyaano. Ekari etokweene amannya a mvuluxa ophiya vaate vaka.’ Mariya aahi: ‘Murima aka onnaavuwiha Apwiya.’ Mariya aakhala ni Elisapeti miyeeri miraru, nave aakookela owannyawe o Nasareti.

Vaavaa Yosefe aasuwenleiye wi Mariya aarupala, owo aanachuna omwalanano. Nnya moolohani munkeelo aamuleela ariki: ‘Ohoove, omwaakhele Mariya ntoko mwaara aa. Mwaana orupaliwe ti ikuru sa Munepa waweela.’ Mwawiihiiha, Yosefe aamukuxa Mariya nave aamukeriha owannyawe akhala mwaariye.

“Etchu yeyo enamusivela Yehova onnerano, Wirimu ni velaponi ya vathi.”—Salumu 135:6, NN