Ocuphela mwaha

Ocuphela menu anaawiili

Anamoona a Yehova

Elomwe

Taani onachonka elapo chiryene?

Taani onachonka elapo chiryene?

Munuupuwela wi . . . 

  • Muluku?

  • achu?

  • mukina?

 PIIPILIYA ONI

“Elapo yothene ennatxhonkiwa ti Mutakhali.”1 Yohani 5:19.

“Mwana a Muluku t’isoneihaleiye wi amwarye miteko sa musaserya.”1 Yohani 3:8.

EYO ENATAPHULELA EHEENI WA NYUWO

Yootaphulela yawooneya ya makacamiho a elapo.Wupulula 12:12.

Yoororomeliha wi elapo ahu enahaala otorokiwa wi ekhale phaama.1 Yohani 2:17.

HIYAANO NNAPHWANELA WEEMERERYA CHIRYENE YEEYO PIIPILIYA ONALOCEIYE?

Aai, moone mathowa mararu:

  • Olamulelo wa Satana onammala. Yehova oolakelela omaliha olamulelo wa Satana ntakhara achu. Yehova oolaiherya ‘omwarya’ ni omaliha onanara woothene otannyiwe ni Satana.Ahebri 2:14.

  • Muluku oomuthanla Yesu Kiristu wi alamulele elapo. Yesu ti oohiyana vancipale ni mulamuleli ootakhala ni a nrima a elapo ya mutano. Vooloca sa olamulelo wa Yesu, Muluku onnalaiherya: “Onamwamorela ikharari òtxetxheya ni òhàwa . . . Onan’wopola mwa owali ni mohòsiwani.”Salumu 72:13, 14.

  • Muluku hanootha. Piipiliya mwawiiweya onnaloca: ‘Muluku ohinaweryeiye oniwoka.’ (Ahebri 6:18) Yehova alaiherya weera echu, enakhala ntoko yoheereya! (Isaiya 55:10, 11) “Mutokwene a elapo ela onamuriheliwa vate.”Yohani 12:31.

WI MUUPUWELE

Elapo enahaala okhala hai amala okumihiwavo mulamuleli aya?

Piipiliya onnaakhula nikoho nenla mu SALUMU 37:10, 11 ni WUPULULA 21:3, 4.