Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

Mwaahusihe Anamwane Anyu

 Yoohuserya 1

Yookhuweya Yeeyo Nnahakalalaahu Osuwela

Yookhuweya Yeeyo Nnahakalalaahu Osuwela

We wontoko oleeliwa yookhuweya?— * Piipiliya onnaloca sa yookhuweya yavameekhaaya yeeyo eniichaniwa ‘yookhuweya’ yaweela. Eyo ti yaweela ntakhara enarweela wa Muluku. Nave eniichaniwa yookhuweya ntakhara achu hiyaasuwela yeeyo. Nari ankeelo yaanachuna osuwela sincipale vooloca sa yeeyo. Onnachuna osuwela yookhuweya eyo tiheeni?—

Onuupuwela wi ankeelo yeererya osuwela eheeni?

Khalai khalai, Muluku aampatuxa mulopwana ni muthiyana oopacerya. Masina aya yaari Aatamu ni Haava. Muluku aahaavaha nipuro nooreera niichaniwa emaca ya Eeteni. Waakhanle wi Aatamu ni Haava yaamwiiwelela Muluku, awo ni anamwane aya yaanwerya opaka elapo yoothene okhala parataiso oolikana ni emaca yeele. Nave awo yanwerya okhala Mparataiso okhala wookhala. Apwanne onnuupuwela yeeyo Aatamu ni Haava yeenraaya?—

Aatamu ni Haava yaamuchekela Muluku, nave ti nthowa nene nihinakhalaahu mparataiso olelo. Nnya Muluku aaloca wi aahaala opaka elapo yoothene yavathi ekhale yooreera, nave muchu ori oothene aahaala okhala okhala wookhala ni ohakalala. Owo onahaala weerano hai? Voovira elukuluku yincipale, achu hiyaasuwela. Eyo yaari yookhuweya.

Vaavaa Yesu aaruuleiye veelapo yavathi, owo aahaahusiha achu vooloca sa yookhuweya yeela. Owo aalonce wi ti Omwene wa Muluku. Yesu aahaaleela achu ovekela wi Omwene yoola orwe. Omwene owo onahaala weeriha wi elapo yavathi ekhale parataiso ooreera.

We onnasiveliwa osuwela yookhuweya yeela?— Wuupuwele wi pahiru yaawo anamwiiwelela Yehova tanahaala okhala Mparataiso. Piipiliya onnanleela miyaha mincipale sa alopwana ni athiyana yaawo yaamwiiwelela Yehova. Onnachuna ohuserya vooloca sa yaawo?— Haya noone taani yaawo nave ti mwawiihai nnahaalaahu olikana ni yaawo.

MWAALAKHANYE MPIIPILIYANI MWANYU

  • Marko 4:11

  • 1 Petro 1:12

  • Maphatxuwelo 1:26-28; 2:8, 9; 3:6, 23

  • Mateyu 6:9,10

  • Salmo 37:11, 29

^ par. 3 Mu miyaha seiya, nyuwano munahaala woona eneneeryo ntoko ela (—) echarelaka makoho. Ela elukuluku yaphaama ya wiichuuwa ni omuhiya mwaninyu wi aakhule.