Ocuphela mwaha

Ocuphela menu anaawiili

Ocuphela sampuwa

Anamoona a Yehova

Elomwe

Mwaahusihe Anamwane Anyu

 Yoohuserya 7

Wontoko Wiisoona Okhala Meekhaa Nave Awoova?

Wontoko Wiisoona Okhala Meekhaa Nave Awoova?

Nkamvarerye mmiravo mukhaani va eruku. Owo oniisoona wi ori meekheiye ni awoova, tahi hiiha? Wontoko Wiisoona hiiha?— Muchu ori oothene onnoona hiiha mu ilukuluku ikina. Piipiliya onnaaloca asinthamwene a Yehova yaawo tho yiisoona okhala meekhaaya ni awoova. Mmoha a yaawo aari Eliya. Hanko nihuserye vooloca sa yoowo.

Yesepeli aachuna omwiipha Eliya

Eliya aakhala o Isarayeli elukuluku ya khalai, Yesu ahaakumve oyariwa. Akabe, mwene o Isarayeli, haamulapela Muluku eeparipari, Yehova. Akabe ni mwaariye Yesepeli, yaamulapela Muluku atheru Paala. Nto achu ancipale o Isarayeli yaapacerya omulapela tho Paala. Mwaara mwene Yesepeli aari oowerya, nave aanachuna owiipha achu oothene yaale yaamulapela Yehova, ophitaanyerya Eliya! Woosuwela tiheeni Eliya enreiye?—

Eliya aachawa! Owo aachawela ohakani nave iipitha onikhukuni. Onuupuwela wi owo eenreno hiiha ntakhara heeni?— Aayi, owo aari awoova. Nnya Eliya haaphwanela  okhala awoova. Ntakhara heeni? Nthowa nawi owo aasuwela wi Yehova anwerya omukhaviherya. Khalai Yehova aahooniherya ikuru sawe wa Eliya. Nihiku nimoha, Yehova aahaakhula nivekelo na Eliya moorweela wa orumiha mooro wirimu. Yaweera yeela ya Yehova yanwerya omukhaviherya Eliya mu elukuluku yeele!

Yehova aamukhavihenrye hai Eliya?

Vaava Eliya aareiye mu nikhuku, Yehova aaloca ni yoowo nave amukoha: “Onerammo mumu?” Eliya aahaakhula: ‘Miyaano kihanle meekhaaka pahiru koolapelakaani. Kihanle meekhaaka, nave kinnoova wi kinahaala wiiphiwa.’ Eliya uupuwela wi alapeli oothene a Yehova yaahiiphiwa. Nnya Yehova aamuleela Eliya: ‘Hooye, eyo tahi eparipari. Aakhalavo achu 7,000 yaawo nlelo anakilapela. Khala oolipa murima. Kookhalano muteko wawaaca wi opake!’ Onuupuwela wi Eliya aahakalala owiriyana yeela?—

Tiheeni onaweryaawe ohuserya orweela wa yeeyo yeeren’ye ni Eliya?— Honaphwanela wiisoona okhala meekhaa ni awoova. We wookhalano asinthamwene yaawo anamusivela Yehova ni yaawo anoosivela. Yehova tho, ookhalano ikuru sawaaca, nave owo onahaala wookhaviherya elukuluku yoothene! Woohakalala osuwela wi chiryene hori meekhaa?—

MWAALAKHANYE MPIIPILIYANI MWANYU

  • 1 Mamwene 19:3-18

  • Salmo 145:18

  • 1 Petro 5:9